بورانڈا پولیس اسٹیشن نے مولانا آزاد یونیورسٹی کے چیئرپرسن محمد عتیق غوری، ریٹائرڈ آر اے ایس افسر اور یونیورسٹی کے رجسٹرار انور علی اور نثار احمد خلجی کو بوجھاواڑ گاؤں میں مبینہ 140 بیگھہ اراضی گھوٹالہ کے سلسلے میں ہفتہ کو گرفتار کیا تھا۔
ان پر ریاستی حکومت کی طرف سے مارواڑ مسلم ایجوکیشن اینڈ ویلفیئر سوسائٹی کو مفت الاٹ کی گئی 140 بیگھہ زمین کو دھوکہ دہی اور جعلی دستاویزات کے ذریعے مولانا آزاد یونیورسٹی کو منتقل کرنے کا الزام ہے۔
ایڈیشنل ڈپٹی کمشنر آف پولیس (مغربی) نشانت بھاردواج نے بتایا کہ 9 اپریل کو کملا نہرو نگر کے رہائشی عبدالناظم بیلم نے بورانڈا پولیس اسٹیشن میں مقدمہ درج کرایا تھا۔ جس کے بعد میرٹھی گیٹ کے رہائشی محمد عتیق گوری، ریٹائرڈ آر اے ایس انور علی اور چوہابو میں نندن واں سکیم کے رہائشی نثار احمد خلجی کو گرفتار کر لیا گیا۔عتیق مسلم ایجوکیشن سوسائٹی کے سابق نائب صدر اور اس وقت مولانا آزاد یونیورسٹی کے چیئرپرسن ہیں۔ ریٹائرڈ آر اے ایس آفیسر انور علی سوسائٹی کے رجسٹرار ہیں اور نثار احمد خلجی سوسائٹی کے سابق جنرل سکریٹری ہیں۔ پولیس اسٹیشن افسر نے اس معاملے میں ایف آر درج کرائی تھی۔ جب جانچ دوبارہ اے سی پی بورانڈا کو سونپی گئی تو ان کی تحقیقات کے مطابق الزامات درست پائے گئے۔مزید تفصیلات کا انتظار ہے –
بڑی خبر:مولانا آزاد یونیورسٹی جودھپور کے چیئرپرسن، رجسٹرار اور دیگر گرفتار،سنگین الزام سامنے آیا
قارئین سے ایک گزارش
سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔
