ارشد مدنی ہوں یا محمود مدنی، مجھے ان کی کوئی پرواہ نہیں ،یہ آسام میں زیرو ہوگیے ہیں: سی ایم آسام کا جوابی حملہ

نئی دہلی: دونوں جمعیتہ علمائے ہند کے سربراہوں اور سی ایم آسام کے درمیان زبانی جنگ چھڑ گئی ہے اور اس میں شدت آتی جارہی ہے محمود مدنی کے بعد ااب مولانا ارشد مدنی کے بیان پر سی ایم آسام ہمانتا بسوا سرما نے شدید ردعمل ظاہر کیا اور کہا کہ، ریاست میں بی جے پی کے اقتدار سنبھالنے کے بعد ارشد مدنی ہیرو سے زیرو بن گے سرما نے جمعیت علمائے ہند (اے) کے سربراہ مولانا ارشد مدنی کو نشانہ بناتے ہوئے کہا کہ ارشد مدنی نے یہ واضح کیا ہے کہ کانگریس میں ان کے خیالات کو مدنظر رکھا جاتا ہے۔ بسوا سرما نے الزام لگایا، "جمعیۃ علماء اور مدنی جیسے لوگوں کے خیالات و رائے کانگریس کے ٹکٹوں کی تقسیم میں کام کرتے ہیں۔ وہ آسام کو کمزور کرنے کا کام کر رہے ہیں،”۔وزیر اعلیٰ نے کہا کہ بی جے پی کافی مضبوط ہے۔ انہوں نے مزید کہا کہ "ہمارا مدنی کے خلاف ایک طویل ایجنڈا ہے۔ ہم آسام کو اسلامی صوبہ بنانے کے خیال کے خلاف کام کریں گے۔”وزیر اعلیٰ نے کہا کہ مدنی اور ان کے گینگ کے پاس کبھی بہت طاقت تھی۔ "لیکن بی جے پی کے آنے کے بعد، وہ آسام میں ہیرو سے زیرو پر چلے گئے
آسام میں بنگالی مسلمانوں کے خلاف بے دخلی مہم پر تنازع اس ہفتے اس وقت بڑھ گیا جب مولانا ارشد مدنی نے دعویٰ کیا کہ انہوں نے ایک بار چیف منسٹر ہمنتا بسوا سرما کو انتخابی ٹکٹ نہ دینے کے لیے کانگریس لیڈر سونیا گاندھی کو خط لکھا تھا۔ 

مولانا مدنی نے دعویٰ کیا کہ مسز گاندھی کو اپنے خط میں، انہوں نے ان سے گزارش کی تھی کہ مسٹر سرما کو انتخابی ٹکٹ نہ دیں جب وہ کانگریس لیڈر تھےکیونکہ وہ آر ایس ایس کی ذہنیت رکھتے ہیں ۔ اب وہ آسام کو آگ لگا رہے ہیں ،‘‘ اس دعوے پر آسام کے وزیر اعلیٰ سمیت بی جے پی لیڈروں کی طرف سے شدید ردعمل سامنے آیا ہے ۔
سرما نے کہا "آج مدنی نے مجھے خبردار کیا ہے، اور راہل گاندھی نے پہلے مجھے دھمکی دی تھی۔ میں مدنی سے کہنا چاہتا ہوں کہ آپ مجھے جتنا دھمکیاں دیں گے، آسام کے لوگ اتنے ہی زیادہ اٹھیں گے اور ان کے خلاف لڑیں گے۔ ہم غیر قانونی آباد کاروں کو بے دخل کرتے رہیں گے اور مقامی لوگوں کے زمینی حقوق کو یقینی بنائیں گے۔ میں مدنی اور راہل گاندھی کو چیلنج کرتا ہوں کہ وہ آسامی لوگوں کے ساتھ لڑیں، ہم انہیں شکست دیں گے۔” 
مولانا مدنی کے بیان کی ایک کلپ شیئر کرتے ہوئے، بی جے پی کے ترجمان امیت مالویہ نے کانگریس پر حملہ کیا اور دعویٰ کیا کہ پارٹی "تہذیبی بحث کے غلط رخ” پر کھڑی ہے۔ 
"سوال یہ ہے کہ: کیا مولوی یہ فیصلہ کرتے ہیں کہ کانگریس کا ٹکٹ کس کو ملتا ہے؟ یہ تیزی سے واضح ہوتا جا رہا ہے کہ کانگریس تہذیبی بحث کے غلط رخ پر کھڑی

ہے،” انہوں نے X پر لکھا۔  سرما، جو پہلی بار 2001 میں جالکباری سے کانگریس کے امیدوار کے طور پر منتخب ہوئے تھے، 2006 اور 2011 میں یہ سیٹ برقرار رکھی۔ کانگریس حکومت میں اپنے سالوں کے دوران، وہ زراعت، منصوبہ بندی اور ترقی، مالیات، صحت اور تعلیم سمیت اہم محکموں پر فائز رہے۔ ایک ہفتے میں یہ دوسرا موقع ہے جب آسام کے وزیر اعلیٰ نے محمود مدنی کے بعد اب ارشد مدنی کو جواب دیا۔ سرما نے کہا کہ ارشد مدنی اور محمود مدنی، جو جمعیت کے دو حریف دھڑوں کی قیادت کرتے ہیں، کی آسام میں کوئی اہمیت نہیں ہے۔
انہوں نے کہا کہ ارشد مدنی ہوں یا محمود مدنی، مجھے ان کی کوئی پرواہ نہیں ہے۔  اس ماہ کے شروع میں، محمود مدنی کی قیادت والی جمعیت کی ورکنگ کمیٹی نے بے دخلی کی مہم پر تشویش کا اظہار کیا تھا، جس کے مطابق، 50,000 سے زائد خاندانوں کو بے گھر کر دیا گیا تھا، جن میں سے بہت سے بنگالی بولنے والے مسلمان تھے۔