اجمیر کی تاریخی مسجد”اڑھائی دن کا جھونپڑا” نشانے پر ،سروے کا مطالبہ،جین مندر ہونے کا دعوی

جے پور: اجمیر کی ایک اور مسجد، اڑھائی دین کا جھونپڑا متنازع یادگاروں کی فہرست میں شامل ہو گئی ہے جب حال ہی میں چند جین پیروکاروں نے یہ دعویٰ کیا تھا کہ وہاں سنسکرت سکول اور مندر کے کے آثار اب بھی نظر آتے ہیں۔
اجمیر کے ڈپٹی میئر نیرج جین نے ہفتہ کو یہ بھی دعویٰ کیا کہ اس احاطے میں ایک جین مندر ہے اور تباہ شدہ مجسموں کے باقیات بھی ملے ہیں۔
"پہلے، یہ جگہ سرسوتی کانٹھ بھرانا مہاودیالیہ تھی، جس پر حملہ آوروں نے قبضہ کرنے اور اسے منہدم کرنے کی کوشش کی۔ ماضی میں بھی، ہم نے اس جگہ کے تحفظ اور فروغ کا مطالبہ کیا تھا،‘‘ اجمیر کے ڈپٹی میئر نیرج جین نے دعویٰ کیا کہ جین منی آچاریہ ساگر کے دورہ نے اس حقیقت کی تصدیق کی ہے کہ اس جگہ پر سنسکرت اسکول کے ساتھ ایک جین مندر بھی تھا۔
انہوں نے کاشی وشوناتھ، ایودھیا اور متھرا کی طرز پر اس جگہ پر سروے کرانے کا مطالبہ کیا۔
ڈپٹی میئر نے مطالبہ کیا کہ "غیر قانونی تجاوزات کو ہٹایا جائے۔
جین نے کہا کہ آچاریہ سنیل ساگر مہاراج نے یہاں اپنے دورے کے دوران اس بات کی تصدیق کی کہ پارھوناتھ غار کے اندر سو سے زیادہ مورتیاں پائی گئیں۔ "یہاں بھی ایک سروے کی ضرورت ہے،” ۔
جین کے پیروکار دوسرے کارکنوں کے ساتھ دو دن پہلے یادگار پر گئے تھے۔
میڈیا سے بات کرتے ہوئے سنیل ساگر مہاراج نے دعویٰ کیا کہ جب وہ پارشواناتھ غار گئے تو وہاں سو سے زائد مورتیاں رکھی ہوئی تھیں۔
اس کا مطلب یہ ہے کہ یہاں کسی زمانے میں جین مندر ضرور رہا ہوگا۔ ان مسائل کو باہمی افہام و تفہیم سے حل کیا جانا چاہیے۔ جہاں مسجدیں ہیں وہیں رہیں، لیکن جہاں مندر وغیرہ تھے ، انہیں ان کی قدیم شکل میں واپس لایا جانا چاہیے،‘‘ سنیل ساگر مہاراج نے کہا۔
بھکتوں کے دورے کے بعد اجمیر درگاہ کے  خادم سید سرور چشتی کا آڈیو وائرل ہوا جس میں انہیں یہ کہتے ہوئے سنا گیا کہ ’’لوگ بغیر کپڑوں کے اڈھائی دن کا جھونپڑا کے اندر کیسے گئے، اندر ایک مسجد بھی ہے۔‘‘
اسمبلی کے اسپیکر واسودیو دیونانی نے چشتی کے بیان کی سخت مذمت کی ہے اور کہا ہے کہ وہ یہاں سروے کے لیے اے ایس آئی کو خط لکھیں گے۔
9 جنوری 2014 کو جے پور کے ایم پی رام چرن بوہرا نے وزارت سیاحت اور ثقافت کو ایک خط لکھا تھا، جس میں انہوں نے اسے اس کی اصل شکل (سنسکرت اسکول اور مندر) میں تبدیل کرنے پر غور کرنے کی درخواست کی تھی۔
اس یادگار کے پیچھے ایک طویل اور کافی متنازعہ تاریخ ہے۔ کچھ مورخین کہتے ہیں کہ پہلے یہ سنسکرت کا ایک بہت بڑا کالج ہوا کرتا تھا، جہاں تمام جدید مضامین سنسکرت میں پڑھائے جاتے تھے۔
جب افغان حکمران محمد غوری کا یہاں سے گزر ہوا تو کمانڈر قطب الدین ایبک نے اس کے حکم پر سنسکرت کالج کو مسمار کر کے اس کی جگہ ایک مسجد تعمیر کر دی۔کمپلیکس میں ہندو، اسلامی اور جین فن تعمیر کی ملی جلی جھلک دیکھی جا سکتی ہے۔
اس عمارت میں پتھروں پر کئی ادبی کام کندہ ہیں، جن میں للیتا ویگرہاراجا ناٹیکا اور ہریکیلی ناٹیکا کے اقتباسات شامل ہیں۔
جنوبی ٹاور پر تعمیراتی نگران احمد بن محمد العرید کے نام سے ایک نوشتہ ہے۔ یہاں 25 فٹ اونچے 70 ستون ہیں دعوی ہے کہ یہ مندر کے وجود کا ثبوت دیتے ہیں۔
الیگزینڈر کننگھم جو 1871 میں اے ایس آئی کے ڈائریکٹر جنرل کے عہدے پر تعینات ہوئے تھے، نے چار رپورٹوں میں اس عمارت کی تفصیل بتائی ہے اور کہا ہے کہ اس جگہ کا معائنہ کرنے پر اسے معلوم ہوا کہ یہ کئی ہندو مندروں کے کھنڈرات سے بنی تھی۔اس کا نام ’اڑھائی دن کا جھونپڑا‘ اس کی تعمیر کی حیران کن رفتار کی عکاسی کرتاہے۔
ایک روایت  ہے کہ مسجد کا ایک حصہ ڈھائی دن میں بن گیا تھا اس لیے اس کا نام اڈھائی دن کا جھونپڑا پڑ گیا۔
تاریخ کی ایک اسکالر روچیکا کہتی ہیں کہ آج صورتحال یہ ہے کہ زیادہ تر مندر، قلعے اور کنویں تجاوزات کا یا کھنڈرات کا شکار ہیں۔
"اگرچہ اڈھائی دن کا جھونپڑا 1919 سے محفوظ ہے، لیکن کسی بھی حکومت نے اسے اس کی پرانی شان میں واپس لانے کی کوئی کوشش نہیں کی۔ آج بھی، یہ مسلمان حملہ آوروں کی مذہبی جنونیت کی گواہی دے رہا ہے،‘‘ وہ مزید کہتی ہیں۔
یہ مسجد ہندوستان کی قدیم ترین مسجدوں میں سے ایک ہے اور یہ اجمیر کی قدیم ترین یادگار بھی ہے۔ 1192 عیسوی میں ایبک کی طرف سے شروع کی گئی اور ہرات کے ابوبکر نے ڈیزائن کیا، یہ ہند-اسلامی فن تعمیر کی عکاسی کرتی ہے۔ (سورس آئی اے این ایس)