•کانگریس کو آسام میں جمعیتہ کی بی ٹیم بتایا •
آسام کے وزیر اعلیٰ ہمانتا بسوا سرما نے جمعیت علمائے ہند کی جانب سے ان کی برطرفی کے مطالبات کو مسترد کرتے ہوئے کہا ہے کہ انہیں اس بات کی پرواہ نہیں ہے کہ یہ مسلم تنظیم کیا چاہتی ہے۔ سرما نے یہ تبصرہ ہفتہ، 23 اگست کو، جمعیتہ کے اس مطالبے پر ردعمل ظاہر کرتے ہوئے کیے کہ ریاست میں حالیہ بے دخلی کی مہم کے بعد ان کو ہٹایا جائے اور نفرت انگیز تقریر کے قوانین کے تحت مقدمہ درج کیا جائے۔ابھی اس سلسلہ میں جمعیتہ کا ردعمل نہیں آیا ہے ،امید کی کہ جلد ہی آیے گا
"اگر مجھے جمعیت کے صدر محمود مدنی مل گئے تو میں انہیں بنگلہ دیش بھیج دوں گا،” سرما نے موریگاؤں میں ایک پروگرام کے موقع پر میڈیا سے یہ دھمکی آمیز بات کہی ۔واضح ہو 1919 میں قائم ہونے والی جمعیت علمائے ہند کو ہندوستانی مسلمانوں کی سب سے بڑی اور بااثر تنظیم سمجھا جاتا ہے۔انہوں نے اپنا "برہا انگولی” (انگوٹھا) دکھایا اور کہا، "میں ابھی جمعیۃ علماء کو سرکاری طور پر انگوٹھا دکھا رہا ہوں۔ اس انگوٹھے میں ایک آسامی خون، طاقت اور ہمت ہے۔”
•سی ایم نے کانگریس اور جمعیت کو نشانہ بنایا۔
چیف منسٹر نے کہا کہ کانگریس جمعیت کی ’’بی ٹیم‘‘ بن گئی ہے اور آسام کے لوگوں کے خلاف ان کا ساتھ دے رہی ہے۔اگر کوئی آسام کے وزیر اعلیٰ پر حملہ کرتا ہے، چاہے وہ کانگریس یا کسی اور پارٹی سے ہو، ہم احتجاج کریں گے۔ کیونکہ آسام کے لوگوں نے مجھے منتخب کیا، جمعیت کو نہیں،‘‘ انہوں نے زور دے کر کہاـ
سرما نے ریاست میں کانگریس کی قیادت پر بھی تنقید کی، اسے "نامعلوم لوگوں کا سردار” قرار دیا اورکہا کہ وہ مقامی آسامی برادریوں کے نمائندے نہیں۔ ڈی ایم سرما نے جاگیروڈ میں ایک نئے سیمی کنڈکٹر پلانٹ کے خلاف کانگریس قائدین کے پہلے احتجاج کی طرف اشارہ کرتے ہوئے کہا کہ اس سے ان کی غلط ترجیحات کا پردہ فاش ہوا ہے۔سرما نے یہ واضح نہیں کیا کہ "نامعلوم لوگ” کون ہیں۔ انہوں نے اپنی یوم آزادی کی تقریر کے دوران بھی بنگالی بولنے والے مسلمانوں کے بظاہر حوالے سے یہ تاثر کئی بار استعمال کیا تھا۔
انہوں نے مزید دعویٰ کیا کہ جمعیت کے صدر محمود مدنی نے کانگریس کے دور حکومت میں ان اساتذہ کی تقرریوں کو روک دیا تھا جنہوں نے ٹیچر اہلیت ٹیسٹ (ٹی ای ٹی) پاس کیا تھا۔ انہوں نے کہا، ’’یہ مدنی، ایک موقع پر جب میں وزیر تعلیم تھا، نے ٹی ای ٹی اساتذہ کی تقرری نہیں ہونے دی تھی” قابل ذکر ہے جمعیت کی ورکنگ کمیٹی نے بدھ کے روز محمود مدنی کی صدارت میں ہونے والی ایک میٹنگ میں آسام میں بے دخلی کی مہم پر تشویش کا اظہار کیا جس نے 50,000 سے زیادہ خاندانوں کو بے گھر کر دیا ہے، جن میں زیادہ تر بنگالی بولنے والے مسلمان ہیں۔
ایک قرارداد کو منظور کرتے ہوئے،مذکورہ تنظیم نے ہندوستان کے آئینی حکام خاص طور پر بھارت کے صدر اور چیف جسٹس آف انڈیا سے فوری طور پر آسام کے وزیر اعلی کو ہٹانے اور ہیٹ اسپیچ کے لئے ان کے خلاف مجرمانہ کارروائی شروع کرنے کا مطالبہ کیا تھا۔Deccan herald کے ان پٹ کے ساتھ
