یمن سے تل ابیب پر بیلسٹک میزائل فائر، اسرائیل ایئرپورٹ کی عارضی بندش

یمن سے میزائل داغے جانے کے بعد وسطی اسرائیل کے متعدد علاقوں میں سائرن بج گئے۔ العربیہ کے نمائندے نے اطلاع دی ہے کہ یمن سے تل ابیب اور وسطی اسرائیل کی جانب بیلسٹک میزائلوں کے داغے گئے ہیں۔ میزائل کی عارضی رکاوٹ کی وجہ سے تل ابیب ایئرپورٹ کو عارضی طور پر بند کر دیا ۔ قبل ازیں اسرائیلی فوج نے اعلان کیا تھا کہ اس نے یمن سے بحیرہ روم کے اوپر آنے والے ڈرون کو کامیابی سے مار گرایا تھا۔ اسرائیلی فوج کے بیان کے مطابق اسرائیلی بیڑے میں میزائل سے لیس کشتی نے ڈرون کو اسرائیلی حدود میں پہنچنے سے پہلے ہی روک دیا۔  واضح رہے حماس کی جانب سے 7 اکتوبر 2023 کو کیے جانے والے غیر معمولی حملے کے بعد سے حوثی گروپ ’’ انصار اللہ‘‘ ڈرونز اور میزائلوں کے ذریعے اسرائیل پر حملے کر رہا ہے۔ حوثیوں نے بحیرہ احمر میں اسرائیلی بحری جہازوں کو نشانہ بنانے کی دھمکی دی ہے۔ اس کے بعد اس نے آبنائے باب المندب کو عبور کرتے ہوئے اسرائیل کے اتحادیوں سے تعلق رکھنے والے بحری جہازوں کو شامل کرنے کی اپنی دھمکیوں کا دائرہ کار بڑھا دیا۔امریکی قیادت میں اتحاد نے بحری حملوں کی وجہ سے یمن کے مختلف علاقوں میں حوثیوں کے ٹھکانوں کو نشانہ بناتے ہوئے مہینوں تک جوابی کارروائیاں کی ہیں۔ واشنگٹن اور لندن کی مداخلت اور گزشتہ جنوری میں کشیدگی میں اضافہ ہونے کے بعد حوثی گروپ نے اعلان کیا کہ اب اس نے تمام امریکی اور برطانوی جہازوں کو اپنے فوجی اہداف میں شمار کرلیا ہے