*جمعیة علماء ہند ممبر سازی مہم میں بڑھ چڑھ کر حصہ لیکر ملک گیر سطح پر خود کو متحد کرتے ہوئے اپنی آواز مضبوط کریں:مولانا محمد قاسم نوری قاسمی
نئی دہلی 20 جولائی تکیہ کالے خاں مسجد میر درد روڈ نئی دہلی میں جمعیة علماء دہلی کے سبھی اضلاع کے ذمہ داران و نمائندگان پر مشتمل ایک اہم میٹنگ کا انعقاد
اس موقع پر جمعیة علماء ہند مرکزی دفتر آئی ٹی او نئی دہلی سے مولانا عظیم اللہ صدیقی قاسمی، حاجی مبشر، مولانا یاسین جہازی ،مولانا ضیاءاللہ قاسمی، ڈاکٹر ابو مسعود کے علاوہ اضلاع ایسٹ دہلی و نورتھ ایسٹ و نورتھ و ساٶتھ دہلی ساٶتھ ویسٹ و چاندنی چوک سینٹرل دہلی و شاہدرہ و نئی دہلی و نورتھ ویسٹ و مہرولی اتم نگر کے ذمہ داران و نمائندگان نے بڑی تعداد میں شرکت کی
حاضرین نے مولانا قاسم نوری کی قیادت پر اعتماد کا اظہار کرتے ہوئے کہا کہ ان شاءاللہ دہلی جمعیة علماء متحرک و فعال ہوکر سبھی تقاضوں کو بخوبی انجام دےگی جمعیة علماء ہند کے اکابرین ملت بالخصوص قائد ملت مولانا محمود اسعد مدنی صدر جمعیة علماء ہند کی ہدایات کے مطابق جمعیة علماء دہلی مضبوط و مستحکم ہوکر جملہ خدمات انجام دے گی
مولانا قاسم نوری نے اظہار خیال کرتے ہوئے کہا کہ صوبہ دہلی میں ان شاءاللہ جمعیة علماء صوبہ دہلی کا باضابطہ ایک صوبائی آفس و ایمبولینس اور مسافر خانہ کا قیام عمل میں لایا جائیگا یہ ہمارا عزم ہے آپ سبھی حضرات ممبر سازی مہم میں بڑھ چڑھکر حصہ لیں
مجلس کی صدارت دہلی جمعیة علماء کے نائب صدر مولانا خلیل احمد قاسمی نے کی جبکہ مجلس کے سرپرست جامعہ شمس العلوم شاہدرہ کے شیخ الحدیث مولانا مرتضے حسن قاسمی رہے اور نظامت کے فرائض مولانا محمد جاوید صدیقی قاسمی دہلی نے انجام دئیے
قاری عبد السمیع جنرل سکریٹری دینی تعلیمی بورڈ جمعیة علماہند صوبہ دہلی کی تلاوت قرآن کریم و مولانا محمد فیاض جامعہ رحمیہ مہدیان کی نعت پاک سے مجلس کا آغاز ہوا حاجی مبشر نے آن لائن ممبر سازی کی ٹریننگ دی جبکہ مولانا یاسین جہازی نے ممبرسازی و انتخابی اصول ضوابط پر روشنی ڈالی مولانا ضیاءاللہ قاسمی نے جمعیة کی روشن تاریخ و خدمات کا تفصیل سے تذکرہ کیا
قاری احرار الحق جوھر قاسمی نے ساتھیوں سے ممبر سازی مہم میں بڑھ چڑھ کر حصہ لینے و محنت کرنے کی اپیل جاری کی اس موقع پر دہلی کے الگ الگ اضلاع سے آئے مہمانان و ذمہ داران اور نمائندگان نے اظہار خیال کے دوران عزم کیا کہ اپنے اکابرین کی آواز سے آواز ملاکر ہم سب چلیں گے اور جماعت کے تقاضوں کو انجام دیں گے
مجلس کے اہتمام میں قاری عبد السمیع مولانا قاسم نوری قاسمی حاجی اسعد میاں و رفیق میاں کا خاص رول رہا مجلس کا اختتام مولانا مرتضے قاسمی کی دعاء پر ہوا (سورس:پریس ریلیز)








