امانت اللہ کے خلاف ای ڈی نے ضمنی چارج شیٹ داخل کی’, درخواست ضمانت پر سماعت ملتوی

نئی دہلی: دہلی کی ایک عدالت نے دہلی وقف بورڈ منی لانڈرنگ کیس میں عام آدمی پارٹی کے ممبر اسمبلی  امانت اللہ خان کے خلاف منگل کو انفورسمنٹ ڈائریکٹوریٹ (ای ڈی) کی طرف سے دائر کی گئی ضمنی چارج شیٹ پر غور کرنے کے لیے 4 نومبر کی تاریخ مقرر کی ہے۔
خان کی درخواست ضمانت پر سماعت نومبر کے پہلے ہفتے کے لیے ملتوی کر دی گئی۔خصوصی جج وشال گوگنے نے منگل کو خان کی عدالتی تحویل میں 5 نومبر تک توسیع کردی  اور ای ڈی کی طرف سے دائر اضافی الزامات کا نوٹس لیا جس میں ایم ایل اے کے مبینہ ساتھیوں کا نام لیا گیا تھا، جو 2 ستمبر کو گرفتاری کے بعد سے عدالتی تحویل میں ہیں۔ضمنی چارج شیٹ ایک ایسے دن داخل کی گئی تھی جب عدالت نے ای ڈی سے خان کی ضمانت کی درخواست پر اپنا جواب داخل کرنے کو کہا تھا۔
منگل کو دائر کی گئی 100 صفحات سے زیادہ کی ضمنی چارج شیٹ جنوری میں وفاقی ایجنسی کی طرف سے اس مقدمے میں دائر کی گئی چارج شیٹ کے علاوہ ہے۔جنوری کی چارج شیٹ میں نامزد افراد میں داؤد ناصر، ذیشان حیدر اور جاوید امام صدیقی شامل تھے۔  تینوں کو ای ڈی نے نومبر 2023 میں گرفتار کیا تھا۔ای ڈی امانت اللہ خان کے چیئرمین شپ کے دور میں دہلی وقف بورڈ کے ملازمین کی مبینہ غلط تقرری اور اثاثوں کو لیز پر دینے سے متعلق مشتبہ منی لانڈرنگ کی تحقیقات کر رہی ہے۔خان کی گرفتاری اس وقت عمل میں آئی جب ای ڈی نے جنوبی دہلی کے اوکھلا علاقے میں ان  کے گھر کی تلاشی لی۔  ایجنسی نے الزام لگایا کہ ایم ایل اے نے اوکھلا میں 35 کروڑ روپے سے زیادہ کی جائیداد خریدی۔رکن اسمبلی کو بدعنوانی کی رقم اپنے معاونین کے نام پر جائیدادیں خریدنے کے لیے استعمال کرنے کے الزامات کا بھی سامنا ہے۔سی بی آئی  نے امانت اللہ کے خلاف بدعنوانی کے الگ الگ کیس بھی دائر کیے ہیں۔ یہ کیس نومبر 2016 کا ہے جب خان کے خلاف شکایت درج کی گئی تھی، جو اس وقت وقف بورڈ کے چیئرمین تھے۔شکایت میں ان پر بورڈ کے اندر مختلف منظور شدہ اور غیر منظور شدہ عہدوں پر غیر قانونی تقرریاں کرنے کا الزام لگایا گیا ہے۔سی بی آئی کی تحقیقات کے بعد یہ بات سامنے آئی کہ خان نے اپنے قریبی ساتھیوں کی تقرری کے لیے جان بوجھ کر قوانین کو نظر انداز کیا تھا۔سی بی آئی نے ایک کیس درج کیا، جسے بعد میں ای ڈی نے منی لانڈرنگ کی تحقیقات کے لیے اٹھایا۔آئی (اے این ایس کے ان پٹ کے ساتھ)