آخر کار پاک – بھارت کے درمیان جنگ بندی ہوگئی! بھارتی حکومت نے ٹرمپ کے دعوے پر مہر لگائی۔

آپریشن سندور کے تحت بھارتی فوج کی کارروائی سے پریشان پاکستان نے دنیا کے ممالک سے بھارت کے ساتھ امن اور مفاہمت کی اپیل کی تھی۔ ادھر امریکی صدر ڈونلڈ ٹرمپ نے سچ سوشل پر ایک پوسٹ کے ذریعے ہندوستان اور پاکستان کے درمیان جنگ بندی کا دعویٰ کیا۔
ٹرمپ کے اس بیان کی تصدیق بھارتی حکومت کے اعلیٰ ذرائع نے کی ہے۔ امریکی صدر ٹرمپ نے کہا، "امریکہ کی ثالثی میں ہونے والی طویل بات چیت کے بعد، مجھے یہ اعلان کرتے ہوئے خوشی ہو رہی ہے کہ ہندوستان اور پاکستان نے مکمل اور فوری جنگ بندی پر اتفاق کیا ہے۔ دونوں ممالک کو مبارکباد۔ اس معاملے پر آپ کی توجہ کا شکریہ۔”
پاکستان کے وزیر خارجہ اسحاق ڈار نے ایکس پر پوسٹ کیا ہے کہ پاکستان اور بھارت نے فوری طور پر جنگ بندی پر اتفاق کیا ہے۔ تاہم انہوں نے بھارت پر حملے کی ناکام کوششوں پر معذرت نہیں کی۔ انہوں نے مزید دعویٰ کیا کہ پاکستان نے ہمیشہ اپنی خودمختاری اور علاقائی سالمیت پر سمجھوتہ کیے بغیر خطے میں امن و سلامتی کے لیے کوششیں کی ہیں۔
امریکی وزیر خارجہ مارکو روبیو نے ٹویٹ کیا، "گزشتہ 48 گھنٹوں کے دوران، VP Vance اور میں نے وزرائے اعظم @narendramodi اور شہباز شریف، وزیر خارجہ @SubrahmanyamJaishankar، آرمی چیف @AsimMunir، اور قومی سلامتی کے مشیر @AjitDoval اور @Asim Maldik سمیت سینئر بھارتی اور پاکستانی حکام سے بات کی ہے۔ فوری جنگ بندی کے لیے اور ایک غیر جانبدار مقام پر وسیع پیمانے پر مذاکرات شروع کرنے کے لیے ہم وزیر اعظم مودی اور شریف کی امن کے راستے کا انتخاب کرنے میں ان کی دانشمندی، تدبر اور مدبرانہ صلاحیتوں کی تعریف کرتاہوں
ادھرٹرمپ نے لکھا، ‘امریکہ کی ثالثی میں گزشتہ رات طویل بحث کے بعد مجھے یہ بتاتے ہوئے خوشی ہو رہی ہے کہ ہندوستان اور پاکستان نے فوری اور مکمل جنگ بندی پر اتفاق کیا ہے۔ میں دونوں ممالک کو ایک مشترکہ، سمجھدار فیصلہ لینے پر مبارکباد دیتا ہوں۔