چاپلوسی یاسیاست:32لاکھ غریب مسلمانوں کو ‘عیدی’ بانٹے گی بی جے پی

عید سے قبل بھارتیہ جنتا پارٹی (بی جے پی) غریب مسلمانوں میں تحائف تقسیم کرنے کی مہم شروع کر رہی ہے۔ بی جے پی ’سوگت مودی‘ اقلیتی مہم چلا کر 32 لاکھ غریب مسلمانوں کو تحفہ دے گی۔ یہ مہم منگل کو دہلی کے نظام الدین سے شروع ہوگی۔ مہم کی نگرانی بی جے پی کے قومی صدر جے پی نڈا کریں گے۔ بی جے پی کا کہنا ہے کہ غریب مسلمانوں کو ایک کٹ تحفے میں دی جائے گی تاکہ وہ بھی عزت کے ساتھ عید منا سکیں۔
•••32 ہزار کارکن سرگرم
یہ کام 32 ہزار بی جے پی کارکنوں کو سونپا گیا ہے۔ بی جے پی کا ہر کارکن ایک مسجد کی ذمہ داری لے گا۔ اس طرح ملک بھر میں 32 ہزار مساجد کا احاطہ کیا جائے گا۔ اس کے بعد غریب مسلمانوں کو عید سے پہلے تحائف دیے جائیں گے۔ بی جے پی اقلیتی مورچہ کے صدر جمال صدیقی نے کہا کہ بی جے پی یہ مہم عید، ہندوستانی نئے سال، نوروز، ایسٹر، گڈ فرائیڈے کے پیش نظر چلا رہی ہے۔