ایران میں اسرائیل کو پھر ذلت کا سامنا ہوا: اسپیکر قالیباف:امریکہ پھر متحرک

ایرانی پارلیمنٹ کے اسپیکر محمد باقر قالیباف نے کہا ہے کہ ایران کے حالیہ فسادات کے معاملے پر اسرائیل نے 12 روزہ جنگ سے زیادہ خفت اٹھائی۔
ایرانی میڈیا کے مطابق ایرانی پارلیمنٹ کے اسپیکر محمد باقر قالیباف نے کہا کہ اسرائیلی صیہونی ریاست نے ایران کے مختلف شہروں میں مستقل منظم حملے کیے۔اسرائیلی کارروائیوں کو 48 گھنٹوں سے بھی کم وقت میں شکست دے دی گئی، اور 48 گھنٹے اسرائیلی حکومت کے لیے 12 روزہ جنگ سے زیادہ شدید جھٹکا ثابت ہوئے
محمدباقر قالیباف نے ایرانی پاسدارانِ انقلاب کی کوششوں کو سراہتے ہوئے کہا ہے کہ پاسدارانِ انقلاب نے اپنے ملک کو احتجاج کے دوران ہونے والے فسادات میں محفوظ رکھا۔انہوں نے مزید کہا ہے کہ حالیہ احتجاج کے دوران ہونے والے فسادیوں کو خارجی امداد مل رہی تھی اور وہ داعش کے انداز میں لوگوں کو قتل کررہے تھے
ادھر اطلاعات کے مطابق امریکا نے بحری و فضائی طاقت خطے میں متحرک کردی ہے،5,700 اضافی اہلکار شامل، جنگی طیارے بھی موجود ہیں، العدید ایئر بیس مرکزِ نگاہ،خطے میں گزشتہ برس جیسی صورتحال کا سامنا ہے۔ تفصیلات کے مطابق امریکا نے مشرقِ وسطیٰ میں اپنی فوجی موجودگی کو نمایاں طور پر مضبوط کرتے ہوئے طیارہ بردار بحری جہاز، جنگی جہازوں، فضائی اثاثوں اور ہزاروں اضافی فوجیوں کی تعیناتی شروع کر دی ہے۔ امریکی اخبار واشنگٹن پوسٹ کے مطابق یہ اقدام ایسے وقت سامنے آیا ہے جب صدر ڈونلڈ ٹرمپ ایران میں جاری احتجاجی مظاہروں کے خلاف کریک ڈاؤن کے پس منظر میں ممکنہ فوجی کارروائی کے اشارے دے رہے ہیں، جس سے خطے میں کشیدگی کے خدشات مزید بڑھ گئے