آسام کے وزیر اعلیٰ ہمانتا بسوا سرما نے ریاست کے کریم گنج ضلع کا نام تبدیل کرنے کا اعلان کیا ہے۔ انہوں نے منگل کو بتایا کہ کریم گنج ضلع اب شری بھومی کے نام سے جانا جائے گا۔ یہ فیصلہ منگل کو آسام کابینہ کی میٹنگ میں لیا گیا۔ آسام کے ضلع کریم گنج کی سرحد بنگلہ دیش کے ساتھ بھی ملتی ہے۔ ہمانتا بسوا سرما نے ایکس پر ایک پوسٹ کے ذریعے اس بارے میں جانکاری دی۔ انہوں نے کہا، "100 سال سے زیادہ پہلے، کاوی گرو رابندر ناتھ ٹیگور نے آسام کے جدید دور کے کریم گنج ضلع کو ‘شری بھومی’ – ماں لکشمی کی سرزمین کے طور پر بیان کیا تھا۔ آج آسام کابینہ نے ہ لوگوں کی دیرینہ مانگ کو پورا کر دیا۔انڈیا ٹوڈے این ای کی رپورٹ کے مطابق، ہمانتا بسوا سرما نے کریم گنج ضلع کا نام بدل کر شری بھومی رکھنے کی تجویز کے پیچھے منطق کی وضاحت کرتے ہوئے، تاریخی اور لسانی مطابقت کی اہمیت پر زور دیا۔ انہوں نے کہا کہ ہم ان جگہوں کے نام بتدریج تبدیل کر رہے ہیں جن کا تاریخی ذکر یا لغت کے معنی نہیں ہیں۔ ‘کالاپہاڑ’ کے حالیہ نام تبدیل کرنے کا حوالہ دیتے ہوئے، انہوں نے کہا، "لفظ ‘کالاپہار’ آسامی یا بنگالی ڈکشنریوں میں نظر نہیں آتا اور نہ ہی ‘کریم گنج’۔ جگہوں کے ناموں کا عام طور پر لسانی مفہوم ہوتا ہے، اور اس طرح کے بہت سے ناموں میں پہلے ہی ترمیم کی جا چکی ہے، جن میں بارپیٹہ کے بھسونی چوک جیسے کئی گاؤں کے نام بھی شامل ہیں۔
آسام کے کریم گنج اب شری بھومی کہلائے گا،نام بدل کر ہمانتابسوا بہت خوش
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔