مودی ـ ٹرمپ ملاقات:ٹیرف  میں بھارت سے کوئی رعایت نہیں ،کہا جتنا ٹیکس لگاؤ گے اتنا ہم بھی عائد کریں گے

امریکی صدر ڈونالڈ ٹرمپ نے ہندوستان سمیت تمام ممالک پر ‘ریسپروکل ٹیرف’ (ٹرمپ ریسیپروکل ٹیرف) لگانے کا اعلان کیا ہے۔ اس کا مطلب یہ ہے کہ کوئی ملک امریکہ پر جو بھی ٹیرف لگائے گا، امریکہ ان پر بھی وہی ٹیرف لگائے گا۔ خبر رساں ادارے روئٹرز نے وائٹ ہاؤس کے ایک اہلکار کے حوالے سے لکھا ہے کہ ٹرمپ کے اس حکم پر فوری عمل درآمد نہیں کیا جائے گا۔ صدر کی تجارتی اور اقتصادی ٹیم اس کا جائزہ لے گی اور اس کے بعد اسے چند ہفتوں میں نافذ کیا جا سکتا ہے۔ ٹرمپ نے صحافیوں کو بتایا کہ میں نے کاروبار کے معاملات میں غیرجانبدار رہنے کا فیصلہ کیا ہے۔ کوئی بھی ملک امریکہ پر جو بھی ٹیرف یا ٹیکس لگائے گا، ہم ان پر بھی وہی ٹیرف یا ٹیکس لگائیں گے، نہ زیادہ، نہ کم۔امریکی انتظامیہ ملک در ملک اس معاملے پر بات کرے گی۔ توقع ہے کہ اس پر بحث یکم اپریل تک مکمل ہو جائے گی اور اسے 2 اپریل کو نافذ کر دیا جائے گا۔
امریکی انتظامیہ ملک در ملک اس معاملے پر بات کرے گی۔ توقع ہے کہ اس پر بحث یکم اپریل تک مکمل ہو جائے گی اور اسے 2 اپریل کو نافذ کر دیا جائے گا
** بھارت کے بارے میں کیا کہا؟
اس دوران ٹرمپ نے ہندوستان کا ذکر کرتے ہوئے کہا کہ کسی بھی ملک کو کسی چھوٹ کی امید نہیں رکھنی چاہیے۔ انہوں نے کہا کہ بھارت کسی بھی دوسرے ملک سے زیادہ ٹیرف لگاتا ہے۔ ٹرمپ نے کہا،ہندوستان میں بہت زیادہ ٹیکس ہیں، مجھے یاد ہے، اسی وجہ سے ہارلے ڈیوڈسن وہاں اپنی بائیک فروخت کرنے کے قابل نہیں تھا۔ ٹیرف سے بچنے کے لیے ہارلے کو وہاں ایک فیکٹری لگانی پڑی۔ ہم یہ بھی کر سکتے ہیں۔ ٹیرف سے بچنے کے لیے انہیں یہاں کارخانے یا پلانٹ بھی لگانے چاہئیں۔