تل ابیب میں موساد ہیڈ کوارٹر پر حملہ، ایران کے اسرائیل پر میزائل اور ڈرون حملے تیز

تہران:(تسنیم نیوز ایجنسی)سپاہ پاسداران انقلاب اسلامی نے اعلان کیا ہے کہ اس نے تل ابیب میں صیہونی حکومت کی جاسوسی ایجنسی موساد کے ایک بڑے مرکز پر کامیاب میزائل حملہ کیا ہے۔آئی آر جی سی نے ایک بیان میں کہا ہے کہ اس کی ایرو اسپیس فورس کے یونٹس نے منگل کے اوائل میں موساد کے خلاف ایک مؤثر کارروائی کی۔انتہائی جدید فضائی دفاعی نظام سے محفوظ ہونے کے باوجود، صیہونی حکومت کی فوج کا ملٹری انٹیلی جنس ڈائریکٹوریٹ، جسے AMAN کے نام سے جانا جاتا ہے، اور تل ابیب میں موساد کا مرکز، جو قاتلانہ حملوں اور شیطانی کارروائیوں کی منصوبہ بندی کے لیے استعمال ہوتا ہے، کو IRGC نے نشانہ بنایا۔آئی آر جی سی نے مزید کہا کہ تباہ شدہ مرکز میں اب آگ بھڑک رہی ہے۔صیہونی حکومت کے ایران پر حملے کے بعد 13 جون سے ایرانی فوجی دستوں نے اسرائیلی اہداف پر جوابی میزائل حملوں کے کئی راؤنڈ شروع کیے ہیں۔صیہونی حکومت کی بلا اشتعال جارحیت اور ایران کے ایٹمی، فوجی اور رہائشی مقامات پر فضائی حملوں کے نتیجے میں 45 خواتین اور بچوں سمیت اعلیٰ فوجی کمانڈر، ایٹمی سائنسدان اور عام شہری شہید ہو چکے ہیں۔