‘مسلم لڑکیاں سافٹ ٹارگٹ’, امبیڈکر یونیورسٹی کے وی سی کی تقریر پر تنقید کی سزا میں  معطل  مسلم اسٹوڈنٹ لڑکی  کا درد

نئی دہلی: ڈاکٹر بی آر امبیڈکر یونیورسٹی دہلی (AUD) کی ایک اسٹوڈنٹ، جسے وائس چانسلر کی تقریر پر مبینہ طور پر تنقید کرنے کے الزام میں معطل کر دیا گیا ، کا خیال ہے کہ یہ کوئی الگ تھلگ واقعہ نہیں ہے بلکہ کیمپس میں اختلاف رائے کو نشانہ بنانے کے بڑے نمونے کا حصہ ہے۔
ایم اے فائنل ایئر کی طالبہ، جو آل انڈیا اسٹوڈنٹس ایسوسی ایشن (AISA) کی رکن بھی ہے، کو چھ ماہ کے لیے معطل کر دیا گیا ہے، اس دوران وہ کیمپس میں داخل نہیں ہو سکتی۔
طالبہ نے The Print کو بتایا، "یہ پہلا موقع ہے جب کسی طالب علم کو یونیورسٹی کی آفیشل ای میل چین کے ذریعے سیاسی وابستگی کی وجہ سے معطل کیا گیا ہے۔ AUD کی ہمیشہ سے یہ روایت رہی ہے کہ طالب علموں کی جانب سے انتظامی فیصلوں پر تنقید کی جاتی ہے، لیکن جب کوئی مسلم خاتون آواز اٹھاتی ہے تو اس کے ساتھ سافٹ  ٹارگٹ (نرم ہدف) کے طور پر برتاؤ کیا جاتا ہے۔”
انہوں نے کہا کہ یہ ساری کارروائی ان کے لیے ایک مثال قائم کرنے کا ایک طریقہ ہے۔ "وہ (AUD انتظامیہ) چاہتے ہیں کہ طلباء کو معلوم ہو کہ اگر وہ آواز اٹھانے کی ہمت کرتے ہیں تو یہ ان کے ساتھ بھی ہو سکتا ہے۔”17 فروری کو جاری کردہ اپنے شوکاز نوٹس میں، AUD انتظامیہ نے معطلی کی وجوہات کے طور پر "بد نظمی” اور "ادارے کے سربراہ کے خلاف بدسلوکی کا استعمال” کا حوالہ دیا۔ نوٹس میں کہا گیا کہ اسٹوڈنٹ نے ضابطہ اخلاق کی خلاف ورزی کی ہے۔
قابلِ ذکر ہے کہ متعلقہ اسٹوڈنٹ نے اے یو ڈی کے وائس چانسلر انو سنگھ لاتھر کی یوم جمہوریہ کی تقریر پر اعتراض کیا تھا، جس میں انہوں نے ایودھیا میں رام مندر کی تعمیر کی تعریف کی تھی۔
ان ریمارکس پر طلبہ برادری کے کچھ حصوں، خاص طور پر AISA نے تنقید کی تھی، جس نے تقریر کی مذمت کرتے ہوئے ایک بیان جاری کیا اور اسے "، ذات پرستی اور فرقہ وارانہ” قرار دیا۔(سورس:دی پرنٹ)