اب یونیفارم سول کوڈ کی باری …’،وقف قانون کے بعد  بی جے پی نے  کردیا صاف  کہا ‘ابھی تو  سفر شروع ہوا ہے’

بی جے پی نے اپنے آفیشیل x ہینڈل پر ایک ویڈیو شیئر کیا ہے۔ جس میں مودی حکومت کے 3.0 دور کی کامیابیوں کو شمار کیا گیا ہے۔ ویڈیو میں بتایا گیا کہ اپوزیشن کہتی تھی کہ مودی 3.0 کا دور کمزور ہوگا اور اتحاد ٹوٹ جائے گا۔ 
بی جے پی نے مودی کے 3.0 دور کی کامیابیوں کو درج کرتے ہوئے کہا کہ نیشنل ہیرالڈ کیس میں سونیا گاندھی اور راہول گاندھی کے خلاف چارج شیٹ داخل کی گئی ہے۔ پنجاب نیشنل بینک سے 13000 کروڑ روپے کے لون فراڈ کیس میں مفرور ہیروں کے تاجر میہول چوکسی کو بیلجیئم میں گرفتار کر لیا گیا۔ 26/11 ممبئی حملوں کے ماسٹر مائنڈ تہور رانا کو بھارت کے حوالے کر دیا گیا۔ ای ڈی نے زمین گھوٹالے میں رابرٹ واڈرا سے پوچھ گچھ کی۔ پارلیمنٹ سے وقف ترمیمی بل کی منظوری۔ دہلی، مہاراشٹر اور ہریانہ کے اسمبلی انتخابات جیتے۔ اب یونیفارم سول کوڈ (UCC) کی باری ہے۔یکساں سول کوڈ (UCC) آئین کے آرٹیکل 44 کے تحت ایک اہم تصور ہے۔ جس کا مقصد تمام ہندوستانی شہریوں پر شادی، طلاق، وراثت، گود لینے اور جائیداد سے متعلق ان کے ذاتی معاملات میں یکساں قانون لاگو کرنا ہے۔ خواہ اس کا مذہب، ذات یا برادری ہو۔
2014 کے لوک سبھا انتخابات میں بی جے پی کو 282 سیٹیں ملی تھیں۔ این ڈی اے کو کل 336 سیٹیں ملیں، کانگریس کو 44 اور یو پی اے کو 59۔ 2019 کے لوک سبھا انتخابات میں بی جے پی کو 303 سیٹیں ملیں۔ این ڈی اے کو کل 353 سیٹیں، کانگریس کو 52 اور یو پی اے کو 91 سیٹیں ملی تھیں۔سال 2024 میں ہونے والے لوک سبھا انتخابات میں بی جے پی کو 240 سیٹیں ملی تھیں۔ این ڈی اے کو 293، کانگریس کو 99 اور یو پی اے کو 234 سیٹیں ملیں۔