یہ ہے انصاف!عصمت دری اور قتل کیس میں سزا یافتہ مجرم رام رحیم پھر جیل سے باہر، 40 دن کی پیرول

عدالتی سسٹم بھی خوب ہے ایک طرف بغیر چارج شیٹ و مقدمہ کے بہت سے لوگ جیلوں میں ہیں ان کو ضمانت بھی نہیں مل رہی وہیں سزایافتہ قاتل اورریپسٹ سزا معطلی اور پیرول کی رعایت سے خوب فائدہ اٹھا رہے ہیں جن میں رام رحیم ،اسارام جیسے ریپسٹ بھی ہیں ڈیرہ سچا سودا کے سربراہ گرمیت رام رحیم، جو دو سادھویوں کی عصمت دری اور ایک صحافی کے قتل کے الزام میں سزا کاٹ رہا ہے، کو ایک بار پھر 40 دن کے لیے پیرول مل گیا ہے۔ رام رحیم اس وقت روہتک کی سناریا ڈسٹرکٹ جیل میں بند ہے۔
پیرول کی مدت کے دوران وہ ہریانہ کے سرسا میں واقع ڈیرہ سچا سودا میں قیام کرے گا۔معلومات کے مطابق، کل شام گرمیت رام رحیم کی پیرول منظور کر لی گئی۔ جس کے بعد جیل انتظامیہ نے اڈ کی رہائی کے لیے کارروائی شروع کردی ہے۔ پیرول کے دوران رام رحیم کو مقررہ شرائط پر عمل کرنا ہو گا اور وہ سرسا ڈیرہ کے باہر کسی بھی تقریب میں شرکت نہیں کر سکےگا انتظامیہ کی طرف سے اس کی سرگرمیوں پر کڑی نظر رکھی جائے گی۔
گرمیت رام رحیم 2017 سے روہتک کی سناریا جیل میں بند ہیں۔ انہیں دو سادھویوں کے ساتھ عصمت دری کے الزام میں عمر قید کی سزا سنائی گئی تھی، جب کہ صحافی رام چندر. چھترپتیکیس میں بھی مجرم قرار دیا گیا ہے ،سزا ہونے کے بعد رام رحیم کئی بار پیرول اور فرمو پر باہر آچکا ہےاس بار انہیں 40 دن کے لیے پیرول دیا گیا ہے۔ رام رحیم کو اس سے پہلے انتخابی موسم میں پیرول مل چکا ہے۔ تاہم انتظامیہ کا کہنا تھا کہ پیرول قوانین اور قانونی طریقہ کار کے مطابق دیا گیا تھا۔ پیرول کی مدت پوری ہونے پر گرمیت رام رحیم کو دوبارہ سناریا جیل میں خودسپردگی کرنی ہوگی۔