شرجیل نے ضمانت عرضی خارج ہونے پر کیا کہا؟ بھائی نے بتایا

دہلی فساد کیس کے کلیدی ملزم شرجیل امام کے بھائی مزمل امام نے دہلی فسادات سازش کیس میں ضمانت کی درخواست مسترد ہونے کے بعد سوشل میڈیا پر پوسٹ کیا ہے۔
گزشتہ پیر کو سپریم کورٹ نے عمر خالد اور شرجیل امام کی درخواست ضمانت مسترد کر دی تھی۔تاہم سپریم کورٹ نے پانچ دیگر ملزمان گلفشہ فاطمہ، میران حیدر، شفا الرحمان، محمد سلیم خان اور شاداب احمد کی ضمانت منظور کی۔
مزمل امام نے سوشل میڈیا پلیٹ فارم ایکس پر بیان جاری کرتے ہوئے کہا کہ شرجیل بھائی نے فیصلہ۔ پر ردعمل دیا ہے۔
مزمل امام کی جانب سے جاری بیان کے مطابق شرجیل نے کہا کہ مجھے خوشی ہے کہ دوسروں کو ضمانت مل گئی تاہم میں ان کے ساتھ اتنی دیر تک جو ناانصافی برداشت کرنا پڑی اس کی مذمت کرتا ہوں۔انہوں نے کہا، "جہاں تک ہمارا تعلق ہے، مجھے پختہ یقین ہے کہ عمر اور مجھے ایک ایسی تحریک کو منظم کرنے اور اس کی قیادت کرنے کی سزا دی جا رہی ہے جو حالیہ ہندوستانی تاریخ کی سب سے اہم عوامی تحریکوں میں سے ایک تھی۔ یہ فیصلہ منظم لاحتجاج کو جرم قرار دیتا ہے اور کسی بھی قسم کی رکاوٹ کو دہشت گردانہ سرگرمی تصور کرتا ہے۔
شرجیل نے اپنی ذاتی تشویش کا اظہار کرتے ہوئے کہا، "میری واحد فکر میری بوڑھی والدہ کی جسمانی اور ذہنی صحت کے لیے ہے۔ اس کے علاوہ، میں اس کیس کے بارے میں پر امید ہوں اور مجھے یقین ہے کہ بالآخر سچ کی ہی فتح ہوگی۔ انشاء اللہ ہم کامیاب ہوں گے۔”