کچھ لوگوں نے سیٹیں جتانے کے لیے پوار سے پیسے مانگے تھے،ادھو ٹھاکرے سے بھی ملے تھے :سنجے راؤت کا سنسنی خیز دعویٰ

شیوسینا یوبی ٹی کے سینئر رہنما اور ممبر پارلیمنٹ سنجے راوت نے انتخابات میں ای وی ایم میں دھاندلی کے الزامات  لوک سبھا اور اسمبلی انتخابات میں ای وی ایم (الیکٹرانک ووٹنگ مشین) کے ساتھ چھیڑ چھاڑ کے سنگین الزامات لگائے ہیں۔ انہوں نے  دعویٰ کیا کہ انتخابات سے پہلے کچھ لوگوں نے شرد پوار سے 160 سیٹیں جیتنے کے لیے پیسے مانگے تھے۔
اسی طرح کچھ لوگوں نے ادھو ٹھاکرے کو 60-65 سیٹیں جیتنے کی تجویز بھی دی تھی جسے ادھو ٹھاکرے نے جمہوریت پر یقین کی وجہ سے مسترد کر دیا۔ راوت نے کہا، "تاہم، انہوں نے کہا کہ حکمراں پارٹی ای وی ایم اور ووٹر لسٹوں کے ذریعے انتخابات کی تیاری کر رہی ہے اور وہ ہماری شکست کو یقینی بنا سکتی ہے۔ لیکن ہم الیکشن کمیشن اور جمہوریت پر یقین رکھتے ہیں۔ اب مجھے لگتا ہے کہ ان دعووں میں سچائی ہے۔”
شیوسینا (یو بی ٹی) نے انتخابات میں مبینہ دھاندلی کے خلاف پیر سے مہاراشٹر بھر میں زبردست احتجاج کرنے کا اعلان کیا ہے۔ ادھو ٹھاکرے دادر میں ہونے والے احتجاج میں شرکت کریں گے۔ اس کے علاوہ اپوزیشن جماعتوں کے ایم پی اور انڈیا اگھاڑی کے لیڈر دہلی میں الیکشن کمیشن کے دفتر کے سامنے لانگ مارچ کریں گے۔