وقف ایکٹ: ,سپریم کورٹ نے ہمارے موقف  کی تائید کی: مولانا ارشد مدنی  کا اظہار مسرت

دہلی: عدالت عظمی میں وقف ترمیمی قانون پر مسلم تنظیموں، سیاسی پارٹیوں، سیاست دانوں اور دیگر کی عرضیوں پرجاری سماْعت اور عدالت کے رخ پر اطمنان کا اظہار کرتے ہوئے مسلم تنظیموں نے کہا کہ ہمیں امید ہے کہ عدالت عظمی سے انصاف ملے گا۔ جمعیۃعلماء ہند کے صدرمولانا ارشدمدنی نے  جمعرات کی  قانونی پیش رفت پر اطمینان اورقدرمسرت کا اظہارکیا اورکہا کہ ہمیں نئے قانون کی جن نکات سخت اعتراضات تھا اورجو وقف املاک کے لئے انتہائی تباہ کن ہے ہمیں خوشی ہے کہ وکلاء کی مکمل بحث انہی نکات پرمرکوزرہیں، بینچ میں شامل ججوں اورخاص طورپر چیف جسٹس سنجیوکھنہ نے ان نکات کے تعلق سے جس طرح کے سخت تبصرہ کئے وہ نہ صرف بہت اہم ہیں بلکہ ہمارے اس اسٹینڈکی تائید بھی ہوجاتی ہے کہ ہم نئے وقف قانون کی مخالفت میں حق بجانب ہیں ، اس معاملہ کولیکر سپریم کورٹ نے جس توجہ اورسنجیدگی کا اظہارکیا ہے اس سے صاف پتہ چلتاہے عدالت یہ محسوس کرتی ہے کہ یہ ایک انتہائی حساس معاملہ ہے ۔مولانا مدنی نے وکلاء کابھی شکریہ اداکیا