نئی دہلی:(ایجنسی)
بالی ووڈ اداکار انوپم کھیر سوشل میڈیا پر کافی متحرک ہیں اور اکثر مداحوں کے ساتھ پوسٹس شیئر کرتے نظر آتے ہیں۔ اس وقت اداکار اپنی فلم ’اوچائی‘ کی شوٹنگ کے لیے نیپال میں ہیں، جس کی ہدایت کاری سورج بڑجاتیا کررہے ہیں۔ انوپم کھیر نے نیپال سے اپنی ایک نئی ویڈیو شیئر کی ہے جس میں وہ ایک لڑکی کے ساتھ نظر آ رہے ہیں جو ان سے پیسے مانگ رہی تھی۔ اس لڑکی نے انوپم کھیر کے ساتھ اتنی روانی سے انگریزی میں بات کی، جسے سن کر اداکار حیران رہ گئے اور اپنی ویڈیو شیئر کردیا۔
ویڈیو میں دیکھا جا سکتا ہے کہ ایک لڑکی اپنا نام آرتی بتاتی ہے اور کہتی ہے کہ وہ راجستھان سے ہے۔ انوپم کھیر اس ویڈیو کو اپنے انسٹاگرام اکاؤنٹ پر شیئر کرتے ہوئے لکھتے ہیں :’ میں کھٹمنڈو میں ایک مندر کے باہر آرتی سے ملا! وہ راجستھان کی رہنے والی ہے ،اس نے مجھ سے کچھ پیسے مانگے میرے ساتھ فوٹو کھنچوانے کو بلا۔ اس کے بعد وہ مجھ سے روانی سے انگریزی میں بات کرنے لگی۔ میں پڑھائی کے لیے اس کاشوق دیکھ کر حیران رہ گیا۔ یہ رہی ہماری بات چیت! انوپم کھیر فاؤنڈیشن اس کے ایجوکیشن کی ذمہ داری لے گی۔ جے ہو۔!
انوپم کھیر کے اس ویڈیو پر لوگوں کے کئی ردعمل دیکھنے کو ملے ہیں۔ سوشل میڈیا صارفین اداکار کے اس نیک اقدام کو سراہ رہے ہیں۔ پوسٹ پر تبصرہ کرتے ہوئے ایک صارف نے لکھا، ‘آپ کی مدد کے لیے شکریہ سر۔
