نئی دہلی: 29دسمبرجب ویاناڈ کی ایم پی پرینکا گاندھی واڈرا نے لوک سبھا میں اپنی پہلی تقریر کی تو ان کے کانگریس کے ساتھیوں اور اپوزیشن لیڈروں کی طرف سے ملے جلے ردعمل کا اظہار کیا گیا۔ کچھ نے ان کے تقریر کرنے کے انداز، کی تعریف کی، جب کہ دوسروں نے اڈانی، ذات پات کی مردم شماری اور ای وی ایم کے حوالے سے راہل کا ہرتو اور اس کی جھلک محسوس کی
جلد ہی، پرینکا، جو پہلی بار رکن پارلیمنٹ بنیں، خبروں میں واپس آگئی: ان کے ہینڈ بیگز کے لیے ان پر ‘فلسطین’ کا لفظ اور فلسطینیوں کی یکجہتی کی علامت کے ساتھ ساتھ بنگلہ دیش میں اقلیتوں کے حقوق کے لیے ان کی وکالت۔
دراصل پرینکا کی تقاریر تیار کرنے اور سیاسی چالوں کی منصوبہ بندی کے لیے پردے کے پیچھے ایک وقف ٹیم کام کر رہی ہے- جن میں سے اکثر بائیں بازو کی طرف جھکاؤ رکھتے ہیں اور JNU اور الہ آباد یونیورسٹی سے وابستہ رہے ہیں۔اس ٹیم کے بارے میں تفصیل سے جانتے ہیں
**پرینکا کی ٹیم کے ایک اہم رکن سندیپ سنگھ ہیں، جو پہلے جے این یو اسٹوڈنٹس یونین کے صدر رہ چکے ہیں ان کا تعلق یوپی کے پرتاپ گڑھ سے ہے۔ انہوں نے الہ آباد یونیورسٹی سے گریجویشن کرنے کے بعد JNU میں داخلہ لیا ، جہاں وہ آل انڈیا اسٹوڈنٹس ایسوسی ایشن (AISA) سے منسلک تھے، جو سی پی ایم ایل کی طلباء ونگ ہے۔ سندیپ 2019 سے پرینکا کے ساتھ ہیں یہ پہلی بار نہیں ہے کہ سنگھ کا نام کانگریس کے بیک روم میں ایک اہم شخصیت کے طور پر آیا ہے۔ جے این یو کے سابق اسٹوڈنٹ لیڈر نے دراصل راہل گاندھی کے لیے تقریریں لکھی تھیں۔ اور راہل ہی تھے جنہوں نے سندیپ کو اپنی بہن پرینکا کی رہنمائی کی ذمہ داری دی۔
ان کی پہلی اسپیچ سندیپ نے ہی لکھی
** پرینکا گاندھی کی ٹیم کا ایک اور ا رکن موہت پانڈے ہیں، جو ان کی سوشل میڈیا حکمت عملی کو سنبھالتے ہیں۔ موہت 2020 میں پرینکا کی ٹیم میں اتر پردیش کانگریس کے سوشل میڈیا سربراہ کے طور پر شامل ہوئے۔
لکھیم پور کھیری، کے موہت جواہر لال نہرو یونیورسٹی کے سابق طالب علم ہیں۔ سندیپ سنگھ کی طرح موہت بھی آل انڈیا اسٹوڈنٹس ایسوسی ایشن سے وابستہ تھے اور جے این ایس یو کے صدر تھے۔ انہوں نے کنہیا کمار کی جگہ لی تھی، اور بعد میں کانگریس میں شامل ہو گئے، لیکن وہ پرینکا کی ٹیم کا حصہ نہیں ہیں مگر مشیر ضرور ہیں۔
** پرینکا کی ٹیم کے ایک اور رکن انیل یادو ہیں، جو الہ آباد یونیورسٹی کے سابق طالب علم ہیں اور تحقیقی کام سنبھالتے ہیں۔ انل AISA سے بھی وابستہ تھے اور اس سے قبل وہ گری انسٹی ٹیوٹ آف ڈیولپمنٹ اسٹڈیز، لکھنؤ میں ریسرچ اسسٹنٹ کے طور پر کام کر چکے ہیں۔ انل کا تعلق رہائی منچ سے بھی تھا، جس کی تشکیل اس وقت ہوئی تھی جب UPA-1 کے دوران اعظم گڑھ اور اتر پردیش کے دیگر حصوں سے دہشت گردی کے الزام میں متعدد مشتبہ افراد کو گرفتار کیا گیا تھا۔ یہ پلیٹ فارم ان ملزمان کی قانونی جنگ میں مدد کے لیے بنایا گیا تھا۔انل نے 2022 کے اتر پردیش کے انتخابات میں اعظم گڑھ کی نظام آباد اسمبلی سیٹ سے مقابلہ کیا تھا، لیکن وہ جیتنے میں کامیاب نہیں ہو سکے تھے۔ انل یوپی کانگریس کے ہیڈکوارٹر لکھنؤ سے کام کرتے ہیں۔
**پرینکا کی ٹیم کے ایک اور رکن شاہنواز عالم ہیں جو آل انڈیا کانگریس کمیٹی کے سکریٹری ہیں۔ شاہنواز الہ آباد یونیورسٹی کے سابق طالب علم ہیں اور AISA سے وابستہ تھے۔ وہ اتر پردیش میں کانگریس پارٹی کے اقلیتی ونگ کے سربراہ کے طور پر کام کر چکے ہیں۔
کانگریس کے اندرونی ذرائع کے مطابق شاہنواز کا مینڈیٹ ٹیم میں اقلیتوں سے متعلق مسائل پر تجاویز دینا ہے۔ شاہنواز بھی رہائی منچ سے وابستہ تھے۔
**آل انڈیا کانگریس کمیٹی کے سکریٹری پردیپ نروال اور دھیرج گجر کو بھی پرینکا کی ٹیم کا رکن سمجھا جاتا ہے۔ ایک دلت خاندان میں پیدا ہوئے، نروال نے JNU سے قرون وسطی کی تاریخ میں ماسٹر ڈگری حاصل کی ہے۔ نروال پہلے آر ایس ایس کے طلبہ ونگ اے بی وی پی کے رکن تھے، لیکن بعد میں کانگریس میں شامل ہوگئے۔ حال ہی میں، جب راہل اور پرینکا نے دہلی میں سونیا گاندھی کی رہائش گاہ پر سنبھل تشدد کے متاثرین سے ملاقات کی، تو یہ نروال ہی تھے جو ان خاندانوں کو دہلی لے آئے تھے ۔ نروال نے باونی کھیڑا سے ہریانہ اسمبلی کا الیکشن لڑا تھا، لیکن وہ بھی ہارگئے تھے
**گرجر راجستھان کے سابق ایم ایل اے ہیں اور کانگریس پارٹی کے طلبہ ونگ نیشنل اسٹوڈنٹس یونین (NSUI) سے وابستہ تھے۔تاہم، ہر کوئی ان طلبہ لیڈروں کے گاندھی خاندان کے قریب ہونے کے بارے میں پرجوش نہیں ہے۔ "ہم نے اپنی پوری زندگی پارٹی میں گزاری ہے، لیکن وہ (راہل اور پرینکا) ہم سے کوئی مشورہ نہیں لیتے ہیں،” اتر پردیش کے ایک سینئر کانگریس لیڈر نے دی پرنٹ کو بتایا۔ یہ لوگ کالج سے باہر آتے ہیں اور ہماری قیادت (گاندھی فیملی) ان کے پاس مشورہ لینے جاتی ہے۔
