دوستی توڑنے پر عاشق کا لڑکی پر چاقو سے حملہ،کئ وارکیے

دہلی کے آدرش نگر علاقے میں ایک نوجوان نے اپنی 21 سالہ دوست پر چاقو سے وحشیانہ حملہ کر دیا۔ یہ نوجوان لڑکی کے دوستی توڑنے پر ناراض تھا۔ نوجوان اتنا نڈر تھا کہ اس نے دن دہاڑے اس واردات کو انجام دیا اور لڑکی پر چاقو سے پانچ سے چھ بار حملہ کیا۔ ملزم کا نام سکھوندر سنگھ ہے اور اس کی عمر 22 سال ہے۔اس کے خلاف قتل کی کوشش سمیت کئی سنگین دفعات لگائی گئی ہیں۔رپورٹس کے مطابق سکھوندر اور لڑکی گزشتہ کئی سالوں سے دوست تھے لیکن کچھ عرصہ قبل ان کے تعلقات خراب ہوگئے جس کی وجہ سے لڑکی نے سکھوندر سے بات کرنا چھوڑ دی۔ اس سے سکھوندر کو بہت غصہ آیا اور اس نے لڑکی پر جان لیوا حملہ کیا اور وہاں سے فرار ہوگیا۔ پولیس نے اسے ہریانہ کے امبالہ سے گرفتار کیا
‘انڈیا ٹوڈے’کے مطابق لڑکی کو دہلی کے بابو جگجیون رام اسپتال میں داخل کرایا گیا ہے اور اس کی حالت اب مستحکم ہے۔واقعہ ںکی سی سی ٹی وی ویڈیو بھی منظر عام پر آگئی ہے۔
خاتون نے اپنی شکایت میں کہا ہے کہ وہ آدرش نگر کی طرف جارہی تھی لیکن سکھوندر نے اسے مجلس پارک کے قریب روکا اور ایک گلی میں لے گیا۔ سکھوندر نے اس سے پوچھا کہ اس نے اس سے دوستی کیوں توڑ دی اور اچانک چاقو نکالا اور حملہ کرنا شروع کردیا۔ لڑکی نے بتایا کہ وہ نیچے گر کر زور زور سے رونے لگی۔ رونے کی آواز سن کر کچھ لوگ گھروں سے باہر نکلے اور مجھے اسپتال لے گئے۔ اسی دوران سکھوندر وہاں سے بھاگ گیا۔خاتون نے اپنی شکایت میں کہا ہے کہ سکھویندر نے اس سے قبل بھی اس پر چاقو سے حملہ کیا تھا اور اس کے کان، گردن اور ہاتھ پر چوٹیں آئی تھیں۔ لڑکی نے سکھوندر کے خلاف سخت کارروائی کا مطالبہ کیا ہے۔