لکھنؤ :
اترپردیش سمیت ملک کے دیگر ریاستوں میں کورونا کے کیسز میں مسلسل اضافہ ہورہا ہے۔ کورونا کے بڑھتے ہوئے معاملے کے پیش نظر اترپردیش کی حکومت نے ریاست کے 4 اضلاع میں تمام سرکاری اور غیر سرکاری اداروں اور دفاتر میں 50 فیصد افراد کی موجودگی کا حکم دیا ہے۔
یوگی حکومت کے حکم کے بعد اب صرف 50 فیصد ملازمین دفتر میں کام کرسکیں گے۔ یوگی آدتیہ ناتھ کے دفتر کی جانب سے ٹویٹ میں بتایا گیا کہ وزیر اعلیٰ نے کہا کہ یہ نظام بنایا جائے کہ جس کے تحت لکھنؤ ، پریاگ راج ، وارانسی اور کانپور شہروں کے سرکاری اور نجی اداروں میں صرف 50٪ فیصد ملازمین ایک دن میں آئیں۔ اس سلسلے میں روسٹر بناکر اسے نافذ کیا جائے۔
دارالحکومت لکھنؤ اور وارانسی سمیت ریاست کے کئی اضلاع میں کورونا کے بڑھتے ہوئے کیسز کی وجہ سے یوگی حکومت نے یہ فیصلہ کیا ہے۔
11 اپریل سے ٹیکہ اتسو
اس کے علاوہ وزیر اعلیٰ یوگی نے کہا کہ وزیر اعظم نریندر مودی 11 اپریل سے 14 اپریل 2021 کو مہاتما جیوتیبا پھولے کے یوم پیدائش سے لے کر بابا صاحب ڈاکٹر بی آر امبیڈکر کی یوم پیدائش تک ، ’ٹیکہ اتسو‘ منانے کی اپیل کی ہے۔ ایسی صورتحال میں پوری ریاست میں ’ٹیکہ اتسو‘ کا اہتمام کیا جائے گا۔ ریاست کے ’ٹارگیٹ ایج گروپ‘ کے لوگ اس میں حصہ لیتے ہیں۔ کامیاب انعقاد کے لئے ایک ایکشن پلان تیار بنائے جانے کا بھی حکم دیا ہے ۔
