یوپی کے بعددہلی میں بھی سڑک پر نماز پر پابندی کی بی جے پی کی مانگ

بھارتیہ جنتا پارٹی نے سڑکوں پر نماز پڑھنے کے خلاف اتر پردیش سے دہلی تک مہم شروع کی ہے۔ پہلے سنبھل اور میرٹھ میں سڑکوں پر نماز پڑھنے کے خلاف حکم جاری کیا گیا اور اب معاملہ دہلی تک پہنچ گیا ہے۔ دہلی میں سڑکوں پر نماز پڑھنے پر پابندی لگانے کا مطالبہ کیا گیا جبکہ یوپی میں نوراتری کے دوران گوشت کی فروخت پر پابندی لگانے کا مطالبہ کیا گیا۔ اپوزیشن نے بی جے پی لیڈروں کے اس مطالبے پر سخت اعتراض کیا ہے اور اسے آئین کی بے حرمتی قرار دیا ہے۔درحقیقت جمعرات کو جب دہلی کے کئی بی جے پی ایم ایل ایز نے سڑکوں پر نماز پڑھنے پر پابندی لگانے کا مطالبہ کیا تو عام آدمی پارٹی نے اسے بی جے پی کی ہندو مسلم سیاست قرار دیا۔ AAP کے راجیہ سبھا ممبر پارلیمنٹ سنجے سنگھ نے اسے دوہری پالیسی قرار دیا اور سوغات مودی اور افطار پارٹیوں میں بی جے پی لیڈروں کی شرکت کا ذکر کیا۔بی جے پی نے یوپی میں نوراتری کے دوران گوشت کی فروخت پر پابندی لگانے کا بھی مطالبہ کیا ہے۔ یوپی کے وزیر کپل اگروال نے پولیس کو حکم جاری کرتے ہوئے کہا، ‘بی جے پی کے وزیر نے کہا کہ نوراتری کے دوران 9 دن تک گوشت کی کوئی دکان نہیں کھولی جائے گی۔ سختی کرو… اسے کال کرو اور اس سے بات کرو۔ کوئی دکان نہیں کھلے گی۔