ایک اور جنگ کی آہٹ:ایران کے ایٹمی ڈیل نہ کرنے پر تباہ کن بمباری  کریں گے :ٹرمپ کی دھمکی

واشنگٹن: امریکی صدر ڈونلڈ ٹرمپ نے ایران کو خبردار کیا ہے کہ اگر وہ جوہری معاہدے پر رضامند نہ ہوا تو اس کے خلاف سخت کارروائی کی جائے گی۔ این بی سی نیوز کے مطابق ٹرمپ نے ایک انٹرویو میں کہا کہ اگر ایران معاہدہ نہیں کرتا تو اس پر بمباری کی جائے گی۔
ٹرمپ نے این بی سی نیوز کو انٹرویو دیتے ہوئے کہا کہ اگر ایران معاہدے پر راضی نہیں ہوا تو اس کے خلاف ایسی بمباری کی جائے گی جو اس نے پہلے کبھی نہیں دیکھی ہوگی۔ یہ انتباہ ایک ایسے وقت میں سامنے آیا ہے جب ایران کے جوہری پروگرام پر واشنگٹن اور تہران کے درمیان تناؤ بڑھ گیا ہے۔ ایران کے سپریم لیڈر آیت اللہ علی خامنہ ای نے ٹرمپ کی پیشکش مسترد کرتے ہوئے کہا ہے کہ ایران ان حکومتوں سے مذاکرات نہیں کرے گا جو اس کے لیے  خطرہ ہوں
ٹرمپ کا یہ انتباہ ایرانی صدر مسعود پیزشکیان کی جانب سے ایران کے سپریم لیڈر کو بھیجے گئے خط کے جواب میں آیا ہے جس میں کہا گیا تھا کہ تہران واشنگٹن کے ساتھ براہ راست مذاکرات نہیں کرے گا۔ "ہم بات چیت سے گریز نہیں کرتے،” پیزشکیان نے ایک ٹیلیویژن خطاب میں کہا۔ لیکن یہ وعدہ خلافی ہی ہے جس نے ہمارے لیے اب تک مسائل پیدا کیے ہیں۔ انہیں ثابت کرنا ہوگا کہ وہ اعتماد پیدا کرسکتے ہیں۔