حید ر آباد :
آل انڈین مجلس اتحاد المسلمین کے سربراہ اسدالدین اویسی نے کورونا وائرس کاٹیکہ لگوا لیا ہے۔ اویسی نے پیر کو حیدر آباد کے کنچن باغ میں کووڈ 19-ٹیکے کا پہلا ڈوز لگوا یا۔ ٹیکہ لگوانے کی جانکاری اویسی نے خود ٹیویٹ کرکے دی ہے۔ اسدالدین اویسی نے ٹیویٹ میں کہاکہ ٹیکہ آپ کو کورونا سے بچانے میں مددگار ہوگا اور دوسروں کے لیے خطرہ بھی کم ہوتا ہے۔
واضح رہے کہ اسدالدین اویسی نے کووی شیلڈ پر سوال اٹھائے تھے ۔ انہوں نے اس کے لیے جرمن سرکار کاایک بیان کا حوالہ دیا تھا ۔ تب انہوں نے کہا تھاکہ یہ ویکسین 64 سال یا اس سے زیادہ عمر کے شخص کے لائق نہیں ہے۔
