الفلاح کے چانسلر پرالزام: دہلی کے مدن پور کھادر میں فوت ہندو مالکان کی زمین ہتھیانے کے لیے جعلی کاغذات بنائے۔ ای ڈی

نئی دہلی: انفورسمنٹ ڈائریکٹوریٹ (ای ڈی) نے جمعہ کو الفلاح یونیورسٹی کے چانسلر جواد احمد صدیقی پر دہلی کے مدن پور کھادر میں فوت ہندو زمینداروں کے نام پر جعلی دستاویزات بنا کر "دھوکہ دہی سے زمین حاصل کرنے” کا الزام لگایا۔
ٹائمز آف انڈیا Times of india نے اپنی تفصیلی رپورٹ میں ایجنسی کے حوالے سے بتایا کہ کھسرہ نمبر 792 میں اراضی جعلی جنرل پاور آف اٹارنی (جی پی اے) کی بنیاد پر صدیقی سے منسلک ٹرسٹ تربیہ ایجوکیشن فاؤنڈیشن کو منتقل کی گئی۔جنرل پاور آف اٹارنی (GPA) ایک قانونی دستاویز ہے جو ایک شخص کو وسیع معاملات بشمول جائیداد اور مالیاتی لین دین میں دوسرے کی جانب سے کام کرنے، دستخط کرنے اور فیصلے کرنے کا اختیار دیتی ہے۔
ای ڈی نے کہا کہ کئی زمین مالکان جن کے نام دستاویزات پر ظاہر ہوتے ہیں وہ 1972 اور 1998 کے درمیان فوت ہو چکے تھے، پھر بھی 7 جنوری 2004 کو ان کے ناموں پر ایک جی پی اے بنایا گیا اور بعد میں زمین کو دوبارہ رجسٹر کرنے کے لیے استعمال کیا گیا۔ایجنسی نے منتقلی کو دھوکہ دہی قرار دیا ہے اور کہا ہے کہ جعلی دستاویزات اس حصول کی بنیاد ہیں۔ صدیقی فی الحال ای ڈی کی حراست میں ہیں کیونکہ تحقیقات جاری ہے۔الفلاح گروپ کے چیئرمین صدیقی کو منی لانڈرنگ کی روک تھام ایکٹ (PMLA) 2002 کی دفعہ 19 کے تحت گرفتار کیا گیا تھا۔
تحقیقات کو کس چیز نے متحرک کیا؟
ای ڈی نے الفلاح گروپ کے خلاف کرائم برانچ، دہلی پولیس کی طرف سے درج 2 ایف آئی آر کی بنیاد پر تحقیقات شروع کی، ان الزامات کی بنیاد پر کہ الفلاح یونیورسٹی، فرید آباد نے طلباء، والدین اور اسٹیک ہولڈرز کو دھوکہ دینے کے ارادے سے NAAC کی منظوری کے دھوکہ دہی اور گمراہ کن دعوے کیے ہیں۔ ایف آئی آر میں مزید بتایا گیا ہے کہ الفلاح یونیورسٹی، فرید آباد نے یو جی سی ایکٹ 1956 کے سیکشن 12 (بی) کے تحت یو جی سی کی تصدیق کا جھوٹا دعویٰ کیا تاکہ امیدواروں، طلباء، والدین، سرپرستوں، اسٹیک ہولڈرز اور عام لوگوں کو غلط طریقے سے فائدہ پہنچانے اور انہیں غلط نقصان پہنچانے کے لیے دھوکہ دیا جائے۔
ادھر دینک بھاسکر نے اپنی رپورٹ میں اراضی کے اندراج سے قبل فوت ہونے والوں کے نام شائع کرکے دعویٰ کیا یہ فرضی واڑہ کا کیا گیا ،نام درج ذیل 
ناتھو: یکم جنوری 1972 کو مدن پور کھادر، دہلی میں موت ہوئی ۔
ہربنس سنگھ: 27 اپریل 1991 کو تہکھنڈ، دہلی میں فوت ہوئے۔
ہرکیش: 12 جون 1993 کو دہلی کے قریب اوکھلا میں مرے
شیو دیال: تغلق آباد، دہلی میں فوت ـ
جئے رام: تغلق آباد، دہلی میں موت ہوئ۔