’سب کا وکاس‘سر سوں کا تیل دوسو کے پار

نئی دہلی (ایجنسی)
پانچ ریاستوں میں انتخابات کے ختم ہوتے ہیں ملک کے کئی حصوں میں پٹرول نے اچھال مار کر 100 کے ہندسہ کا پار کرلیا ہے ۔ 2 مئی کو انتخابی نتائج کے اعلان کے بعد 4 مئی کے بعد سے دہلی پٹرول 3.24روپے فی لیٹر اور ڈیزل 2.94روپے فی لیٹر تک مہنگا ہوگیا ہے ۔ ادھر کووڈ 19-وائرس نے جیسے ہی اپنا قہر برپا کرنا شروع کیا رسرسوں کے تیل کے دام بڑھ کر 200 روپے کے پار ہو گیا۔
کورونا کے دور میں نیبواور آنوالہ کی قیمتوںمیں زبردست اچھال دیکھنے کو مل رہاہے ۔ سرسوں کا تیل مسلسل چھلانگ لگاتے ہوئے 200 کے پاس چلا گیا ہے ۔ دراصل اس کے پیچھے سوشل میڈیا پر چل رہے کچھ پیغام بھی وجہ ہے ۔
بابا رام دیو کا ایک پیغام کچھ عرصے سے مسلسل وائرل ہورہا ہے۔ اس میں 25 اپریل کو وہ کہتے دیکھے جارہے ہیں کہ سرسوں کے تیل کی دو بوند ناک میں ڈالنے سے کورونا وائرس پیٹ میں چلاجائے گا ۔ وہاں موجود تیزاب سے رابط میں آکر وہ مر جائے گا۔
سرسوں کے تیل کے کاروبار کرنے والے راجستھان کے ووبھو مہتا کا کہنا ہے کہ تیل کی مانگ میں 20 فیصد اضافہ ہوا ہے۔ لوگ سوشل میڈیا پر چل رہے گھریلو علاج کو ترجیح دے رہے ہیں ۔ پہلے یہ جہاں 6500-7200روپے فی کوئنٹل مل رہا تھا وہیں اب 8 ہزار روپے تک پہنچ گیا ہے ۔ سرسوں کے تیل کا کیری اوور اسٹاک بھی 5 لاکھ میٹرک ٹن سے گھٹ کر 1.5لاکھ میٹرک ٹن رہ گیا ہے ۔ اچھی فصل اورروزانہ کی بہتر آمدنی کے باوجود تیل کی قیمتوں میں گزشتہ سال کے مقابلے میں 20-30فیصد اضافہ ہوا ہے ۔