شرمسٹھا کو پاکستان کی مخالفت نہیں ۔فرت پھیلانے پر گرفتا کیا گیا ہے : کولکاتہ پولیس

کولکتہ: ہندوتووادیوں نے شرمسٹھا کی گرفتاری کے خلاف سوشل میڈیا ہر مہم چھڑرکھی ہے اور بے بنیاد باتیں پھیلائی جارہی ہیں جس نے رسول اکرم کی شان میں گستاخی کی تھی اور کئی نفرت انگیز ہوسٹ شئیر کئے تھے ان میں ماں بہن کی گالیاں تک ہیں ،یہی لوگ پروفیسر علی خان کی گرفتاری کو جائز ٹھہراتے ہیں  – اس بے بنیاد پروپیگنڈے پر کولکاتہ پولیس نے وضاحت کی ہے – کولکتہ پولیس نے اتوار کو واضح کیا کہ سوشل میڈیا پر پھیلائی جانے والی یہ خبر کہ قانون کے ایک طالب علم کو پاکستان کی مخالفت کرنے پر گرفتار کیا گیا ہے، مکمل طور پر غلط، گمراہ کن اور شرارتی ہے۔ پولیس نے کہا کہ یہ معاملہ حب الوطنی سے متعلق نہیں ہے، بلکہ مذہبی جذبات کو ٹھیس پہنچانے والی ویڈیو سے متعلق ہے، جس کے لیے پہلے ہی ایف آئی آر درج کی گئی تھی۔
پولیس کے مطابق شرمسٹھا پنولی نامی خاتون نے اپنے انسٹاگرام اکاؤنٹ پر ایک ویڈیو پوسٹ کی تھی جس میں ایک مخصوص کمیونٹی کے مذہبی جذبات کو ٹھیس پہنچی تھی اور معاشرے میں نفرت اور عداوت پھیلانے کا خدشہ تھا۔ اس ویڈیو کے حوالے سے 15 مئی 2024 کو گارڈن ریچ پولیس اسٹیشن میں ایف آئی آر درج کی گئی تھی۔پولیس نے بتایا کہ ملزمہ کو تعزیرات ہند (بی این ایس) اور بی این ایس ایس کی دفعہ 35 کے تحت متعدد بار نوٹس بھیجے گئے، لیکن وہ ہر بار مفرور رہی۔ اس کے بعد، مجاز عدالت سے گرفتاری کا وارنٹ حاصل کیا گیا اور اسے گڑگاؤں میں دن کی روشنی میں قانونی طور پر گرفتار کر لیا گیا۔ گرفتاری کے بعد اسے کولکتہ لایا گیا اور علی پور کورٹ میں پیش کیا گیا، جہاں سے اسے 14 دن کی عدالتی حراست میں بھیج دیا گیا۔
پولیس نے یہ بھی کہا کہ اگرچہ پنولی نے ویڈیو کو حذف کر دیا ہے اور 15 مئی کو معافی مانگ لی ہے، لیکن نفرت انگیز تقریر اور مذہبی توہین آئین کے آرٹیکل 19 (1) (A) کے تحت اظہار رائے کی آزادی کا حصہ نہیں ہے۔ کولکتہ پولیس نے سبھی سے اپیل کی ہے کہ وہ بغیر جانچے سوشل میڈیا پر حقائق شیئر نہ کریں۔