نئی دہلی:کانگریس کی اترپردیش کی انچارج جنرل سکریٹری پرینکا گاندھی واڈرا نے ریاست کے وزیراعلی یوگی آدتیہ ناتھ پر کورونا کے خلاف غیر ذمہ داری سے کام کرنے اور کورونا سے ہونے والی اموات کے غلط اعدادو شمار دینے کا الزام لگایا ہے محترمہ واڈرا نے جمعرات کو یہاں جاری بیان میں کہا،’’میڈیا رپورٹوں کے مطابق یوپی کے وزیراعلی کورونا متاثر افراد کے رابطے میں آنے کے بعد بھی ریلیوں میں جارہے ہیں۔ ان کا دفتر کووڈ سے ہونے والی اموات کے غلط اعدادو شمار دے رہا ہے۔‘‘
انہوں نے کورونا سے ہونے والی اموات کے سلسلے میں حکومت کو گھیرتے ہوئے کہا۔’’خبروں کے مطابق لکھنؤ کے شمشان گھاٹ اور اسپتالوں میں لمبی ویٹنگ ہے۔ لوگوں میں دہشت ہے۔ جن کا کام جواب دہی اور شفافیت کا ہے وہ خود غیر ذمہ دار ثابت ہورہے ہیں۔ بحران کے وقت رہنماؤں کو سچ اور صحیح برتاؤ کی مثال پیش کرنی چاہئے تاکہ لوگ ان پر بھروسہ کر سکیں۔‘‘
اس کے ساتھ ہی انہوں نے ایک خبر پوسٹ کی ہے جس میں لکھا ہے کہ لکھنؤ میں کورونا کی وجہ سے حالات بہت خراب ہیں اور بیکنٹھ دھان شمشان گھاٹ پر ہر روز ایمبولینس کی لائن لگی رہتی ہے ۔ لوگوں کو آخری رسومات ادا کرنے کےلئے ٹوکن لینے پڑ رہے ہیں۔ ریاست میں چھ ہزار نئے کورونا مریض ملے ہیں اور ہر دن 40 لوگوں کی موت ہورہی ہے۔
کورونا اموات کے سلسلے میں غلط اعدادو شمار دے رہی ہے یوگی حکومت: پرینکا
قارئین سے ایک گزارش
سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔