پٹنہ:
ملک بھر سمیت بہار میں بھی کورونا وائرس سے متعلق صورتحال خراب ہوتی جارہی ہے۔ ریاست میں ہر روز متاثرہ افراد کی تعداد بڑھ رہی ہے۔ وہیں کئی متاثرہ لوگ آکسیجن اور بیڈ کی کمی سے دوچار ہیں ۔ بہار میں کورونا کے بڑھتے معاملات کے درمیان پٹنہ ہائی کورٹ نے ریاستی سرکار کو پھٹکار لگائی ہے ۔ کورٹ نے ریاستی سرکار سے پوچھا ہے کہ اگر آپ سے صورت حال نہیں سنبھل رہی ہے تو کیا کووڈ کا انتظامات فوج کو سونپ دینا چاہئے؟ عدالت نے کہاکہ بار بار حکم دینے کے باوجود صورت حال میں کوئی سدھار نہیں ہورہاہے۔
عدالت نے یہاں تک کہا کہ یہ شرم کی بات ہے کہ ہمارے بار بار احکامات کے بعد بھی لوگ مر رہے ہیں۔ دریں اثنا نہ ریاست میں نہ تو سرکاری اسپتال اور نہ ہی نجی اسپتال میں لوگوں کو بیڈ مل رہا ہے اور جو بھرتی ہیں انہیں کافی مقدار میں آکسیجن بھی نہیں مل رہی ہے ۔
بہار میں 15 مئی تک لاک ڈاؤن
وہیںگزشتہ دن کورونا کے بڑھتے ہوئے معاملات کے پیش نظر نتیش حکومت نے 15 مئی تک بہار میں مکمل لاک ڈاؤن لگانے کا اعلان کیا ہے۔ انہوں نے ٹویٹر کے ذریعے اس فیصلے سے آگاہ کیا۔ سی ایم نتیش کے مطابق پیر کے روز کابینی وزراء اور عہدیداروں سے بات چیت کے بعد 15 مئی 2021 تک بہار میں لاک ڈاؤن نافذ کرنے کا فیصلہ کیا گیا ہے۔
