مقبوضہ بیت المقدس: اسرائیل نے بالآخر ایرانی میزائل حملوں میں اپنے فوجی اڈے نشانہ بننے کا اعتراف کرلیا۔
بین الاقوامی خبر رساں اداروں کے مطابق قابض صہیونی فوج کے ترجمان نے کہا ہے کہ یکم اکتوبر کو (منگل کے روز) اسرائیل پر داغے گئے ایرانی میزائلوں نے اسرائیل کی 2 ائربیسز (2 فوجی اڈوں) کو نشانہ بنایا ہے اور ایرانی میزائلوں کا نشانہ بننے والے ائرفورس کے دونوں اڈے بہرحال فعال ہیں۔
صہیونی فوج کے ترجمان کا کہنا تھا کہ ایران کے میزائل حملوں کا جواب دینے کے لیے جو وقت بہتر سمجھیں گے، تبھی جواب دیا جائے گا۔ اسرائیلی سیاسی قیادت کی ہدایت کا انتظار ہے، جیسے ہی ہدایات ملیں گی، اسی مقام اور وقت پر ایران کو نشانہ بنایا جائے گا۔
یاد رہے کہ یکم اکتوبر کی شب ایران نے اسرائیل پر سیکڑوں بیلسٹک میزائل داغے تھے جو اصفہان، تبریز، خرم آباد، کرج اور اراک سے فائر کیے گئے جس کے بعد مقبوضہ بیت المقدس سمیت اسرائیل بھر میں سائرن بجنے لگے، میزائل حملوں کے بعد اسرائیلیوں نے بنکرز میں پناہ لی۔
اسرائیل نے ایرانی میزائلوں سے فوجی اڈے نشانہ بننے کا اعتراف کرلیا
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔