میوات: گم شدہ نوجوان عامر کی لاش کھیت میں ملی ،چسم پر گہرے زخموں کے نشان

ہریانہ کے سوہنا ضلع کے لکھواس گاؤں کے ایک کھیت سے 19 اگست سے لاپتہ عامر خان نامی 28 سالہ مسلم نوجوان کی لاش پیر کو ملی۔مکتوب میڈیا نے یہ خبر دی ہے
عامر خان آٹو ڈرائیور کے طور پر کام کرتے تھے۔ ان کے اہل خانہ کا کہنا تھا کہ انہیں بری طرح مارا پیٹا گیا تھا، کیونکہ جسم پر زخموں کے بہت سے نشانات تھے۔ عامر کے اہل خانہ کو دوسرے آٹو ڈرائیوروں سے پتہ چلا کہ وہ 19 اگست کو کچھ مسافروں کو میوات لے گئے تھے۔ کچھ دن پہلے، میوات نے ایک فرقہ وارانہ تشدد دیکھا تھا جوبجرنگ دل اور وی ایچ پی کی ایک اشتعال انگیز ریلی کے دوران پھوٹ پڑا۔
مقامی دیہاتیوں نے پیر کو اس کی لاش دیکھ کر پولیس کو اطلاع دی۔ لاش بیڈ شیٹ میں لپٹی ہوئی تھی اور عامر کے تباہ شدہ آٹو سے کچھ دور نہیں ملی۔
عامر کے جسم پر لگنے والی چوٹیں، خاص طور پر ا سر کے زخموں نے ، خاندان کے افراد میں یہ خیال پیدا کیا کہ اسے پیٹ پیٹ کر مارڈالا گیا
مقامی میڈیا کی رپورٹس کے مطابق خان کی بہن شہرونا نے کہا کہ جب میں اپنے بھائی کی تلاش میں مقامی ہسپتال گئی تو میں نے وہاں اس کی لاش دیکھی۔ اس کے سر پر ہر طرف سے زخموں کے نشانات تھے۔ اسے شدید مارا پیٹا گیا، اور اس کے چہرے کو بھی نقصان پہنچا۔ مجھے نہیں معلوم کہ اسے مارنے کے لیے کیا استعمال کیا گیا تھا،”۔
عامر خان کے پسماندگان میں تین چھوٹے بچے اور ایک بیوہ ہے