پٹنہ :
بہار میںکورونا انفیکشن کے بڑھتے ہوئے معاملات اور علاج کے دوران لگاتار ہورہی متاثرین کی موت سے لوگ خوفزدہ ہیں۔ ریاںت میں اب تک 354 دنوں میں اس برس علاج کے دوران 594 متاثرہ افراد کی موت ہوچکی ہے، جبکہ گذشتہ سال 146 دن میں 537 متاثرہ افراد کی موت ہوتھی۔
اسپتالوں میں دم پھلنے اور آکسیجن کی کمی کی وجہ سے زیادہ اموات
ریاست میں رواں سال کورونا سے متاثرہ افراد کے دم پھلنے اور آکسیجن کی کمی کی وجہ سے اموات کی تعداد میں اضافہ ہوا ہے۔ جبکہ پچھلے سال متاثرہ افراد کی سردی ، کھانسی ، بخار ، دل کی بیماری ، کڈنی کی بیماری اور کینسر جیسی بیماریوں کے سبب موت ہوئی تھی۔
پانچ دن میں 258 متاثرہ جانیں
پانچ دنوں میں ریاست میں علاج کے دوران 258 کورونا متاثرہ افراد کی مت ہوچکی ہے، جبکہ 2020 میں 16 اگست سے پہلے ہی پانچ دنوں میں 68 کورونا سے متاثرہ مریضوں کی موت ہوئی تھی۔ محکمہ صحت کے مطابق 21 اپریل تک ریاست میں 1897 متاثرین کی موت ہوئی تھی جبکہ 25 اپریل تک متاثرہ افراد کی اموات کی تعداد 2155 ہوگئی۔ اسی دوران پچھلے سال 12 اگست تک 474 کورونا متاثرہ فوت ہوگئے تھے جبکہ 16 اگست 2020 تک متاثرہ افراد کی اموات کی تعداد 537 ہوگئی تھی۔
متاثرین کی موت کی شرح 0.5 فیصد
ریاست میں اس وقت کورونا متاثرہ کی موت کی شرح 0.5 فیصد ہے، جبکہ گزشتہ سال کورونا انفیکشن کی مدت میں 16 اگست کو متاثرہ افراد کی اموات کی شرح 1.0 فیصد تھی۔
