دہلی: دہلی اردو اکادمی کی پریس ریلیز کے مطابق انتظار نعیم کی خودنوشت ”اجالوں میں سفر“ کو انعام سے نوازے جانے کا اعلان کیا گیا ہے۔ اس پر ان کو مبارکبادیاں موصول ہو رہی ہیں۔
معروف شاعر، دانشور، ادارہ ادب اسلامی ہند کے سابق جنرل سیکرٹری، انگریزی ہفت روزہ ریڈینس ویوز ویکلی اور ماہنامہ پیش رفت، نئی دہلی کے مدیرِ منتظم اور ہندی زبان میں اسلام کی ترجمانی کے لیے مختص ادارہ”مدھر سندیش سنگم“ کے بانی انتظار نعیم کی خودنوشت ”اجالوں میں سفر“ کو سال 2021 کے پہلے انعام کے زمرے میں رکھا گیا۔ اس پر ان کے حلقہء احباب اور تعمیر پسند مصنفین کے درمیان خوشی کی لہر دوڑ گئی۔ ان کی اس کتاب کو اترپردیش اردو اکادمی کی جانب سے بھی انعام سے نوازا جا چکا تھا۔ انتظار نعیم نے اپنی اس خودنوشت میں اپنے جہد و عمل سے عبارت ستر سالہ زندگی کے تجربات کو قلمبند کر دیا ہے۔ بطورِ خاص وقف املاک کی بازیابی کے حوالے سے انھوں نے اپنی کوششوں کا ذکر انھوں نے اس میں کیا ہے۔ ناقدین نے لکھا ہے کہ اگر ملت کے قائدین نے ان کے منصوبوں کے مطابق وقف املاک کی حفاظت کا پروگرام بنایا ہوتا تو آج وقف کے سامنے اتنے سنگین مسائل منہ کھولے کھڑے نظر نہ آتے۔ گنگا جمنا کا پانی بہت کچھ بہہ چکا ہے لیکن اگر آج بھی وقف کے حوالے سے حاصل کیے گئے انتظار نعیم کے تجربات سے استفادہ کیا جائے تو پُر امید حالات وجود میں آ سکتے ہیں۔
انتظار نعیم اردو اکادمی کے انعام سے سرفراز
قارئین سے ایک گزارش
سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔
