سہارنپور:وہی قتل بھی کرے ہے وہی لے ثواب الٹا،نرسمہانند کے خلاف احتجاج،اٹھارہ مسلم نوجوان گرفتار

اتر پردیش کی پولیس نے سہارنپور میں اتوار کو ایک احتجاج کے دوران شیخ پورہ قدیم پولیس چوکی پر پتھراؤ کرنے کے الزام میں 13 مسلمانوں کو گرفتار کر لیا۔ مزید برآں، غازی آباد کے ڈاسنا دیوی مندر کے باہر جمعہ کو پرتشدد کارروائیوں کے لیے چار دیگر کو حراست میں لیا گیا، یہ تمام گرفتاریاں گستاخ رسول نرسمہانند کے خلاف احتجاج کے پس منظر میں کی گئی ہیں ۔
جہاں تقریباً 150 لوگوں کا ہجوم نرسمہانندکے نازیبا تبصروں کے خلاف احتجاج کرنے کے لیے جمع ہوا تھا۔ واقعہ کے دوران پولیس افسران پر پتھراؤ کی اطلاعات کے ساتھ احتجاج کشیدہ ہو گیا۔
گرفتار افراد میں سمیر محمد، ساجد، عامر، شعیب، فرمان اور شہزاد سید شامل ہیں۔ غازی آباد کے ڈپٹی کمشنر آف پولیس (رورل زون) سریندر ناتھ تیواری نے گرفتاریوں کی تصدیق کرتے ہوئے کہا، "ہم نے 4 اکتوبر کے احتجاج کے سلسلے میں اب تک 13 افراد کو گرفتار کیا ہے، اور ہم اس احتجاج  کے پیچھے سازش اور دیگر زاویوں کی بھییادرہ کہ  نرسمہا نند کے گستاخانہ ریمارکس نے مسلم کمیونٹی کو شدید ناراض کیا، جس سے بے ساختہ احتجاج شروع ہوئے۔ گرفتار افراد نے پولیس کو بتایا کہ  مہنت  کی اشتعال انگیز زبان سے ان کے مذہبی جذبات مجروح ہونے کے بعد احتجاج کیا۔ پولیس ذرائع کے مطابق، ملزموں نے مبینہ طور پر دعویٰ کیا، "ہم ناراض ہو گئے اور اکٹھے ہو گئے اور نعرے لگانے لگے۔”
حکام اب احتجاج کی چھان بین کر رہے ہیں اور اس کے آس پاس کے وسیع تر حالات کا جائزہ لے رہے ہیں۔ غازی آباد پولیس گرفتار افراد کے دعووں کی بھی جانچ کر رہی ہے، جن کا کہنا ہے کہ دوسری کمیونٹی کے لوگوں کے قابل اعتراض ریمارکس نے ان کی حرکتوں کو اکسایا۔ ابھی تک، مظاہرین کے خلاف اضافی گرفتاریوں یا ممکنہ الزامات کے بارے میں مزید تفصیلات سامنے نہیں آئی ہیں۔