سنگھ کے ترجمان ‘آرگنائزر’ نے اڈانی پر حملےکو غیر ملکی سازش بتایا

آر ایس ایس کے ترجمان آرگنائزر میں ‘ہنڈن برگ کی ہٹ جاب کو اڈانی گروپ کے خلاف ڈیکوڈنگ’ کے عنوان سے ایک مضمون میں بتایا گیا ہے کہ یہ کس طرح ایک غیر ملکی سازش ہے جس کا مقصد ملک کی معیشت کو برباد کرنا ہے۔ مضمون میں ہندوستان کے ان تمام آزاد صحافیوں اور ویب سائٹس کا ذکر کیا گیا ہے جو مضمون کے مطابق جب سے اڈانی نے آسٹریلیا میں کوئلے کی کانیں خریدی ہیں غیر ملکی فنڈنگ لے کر اڈانی کی شبیہ کو خراب کرنے کی کوشش کر رہے ہیں۔ ان صحافیوں پر بائیں بازو کے نظریات سے متاثر ہونے کا الزام لگاتے ہوئے انہیں ڈیجیٹل شارپ شوٹر کہا گیا ہے۔ ایسی تمام ویب سائٹس، جو آج بھی بے خوف ہو کر مودی حکومت کے کارناموں کے بارے میں لکھتی ہیں، کو ‘ملک دشمن کارٹیل’ کا حصہ قرار دیا گیا ہے۔ آخر میں مضمون میں یہ بھی کہا گیا ہے کہ یہ سب ‘2024 کے انتخابات کو ذہن میں رکھتے ہوئے’ ہو رہا ہے۔ اڈانی پر حملہ کا مطلب مودی پر حملہ ہے۔