اسرائیلی فوج نے دو نوجوانوں کو گولی مارکر قتل کردیا

ویسٹ بینک:اسرائیلی فوج نے مقبوضہ مغربی کنارے کے شمالی شہر جنین کے قریب ایک گاؤں پر چھاپے کے دوران دو فلسطینیوں کو شہید کر دیا۔
جنین کے شمال مغرب میں واقع کفر دان میں 25 سالہ فواد محمد عابد اور 22 سالہ محمد سمیر ہوشیح کو پیر کی صبح گولی مار کر ہلاک کر دیا گیا۔
فلسطینی وزارت صحت نے بتایا کہ ایک شخص کی حالت تشویشناک ہے۔پیر کے روز مارے جانے والے دونوں افراد اس سال مقبوضہ مغربی کنارے میں اسرائیلی فوج کے ہاتھوں مارے جانے والے پہلے فلسطینی ہیں، جو تقریباً ایک سال سے جاری اسرائیلی فوجی مہم میں تیز چھاپوں اور ہلاکتوں کا نتیجہ ہے۔
اقوام متحدہ (یو این) نے 2022 کو مغربی کنارے میں فلسطینیوں کے لیے 16 سالوں میں سب سے مہلک سال قرار دیا۔اسرائیلی فورسز نے 2022 میں مغربی کنارے اور مشرقی یروشلم پر قبضے میں کم از کم 171 فلسطینیوں کو ہلاک کیا، جن میں 30 سے زائد بچے بھی شامل تھے۔ کم از کم 9000 دیگر زخمی ہوئے ہیں۔