وی ایچ پی’جہادی مکت دلی ابھیان’ کے تحت چھٹھ پوجا پر ‘,تھوک جہاد’ کا ایسے کرے گی علاج

نئی دہلی: وشو ہندو پریشد (وی ایچ پی) نے دہلی میں چھٹھ پوجا کے سلسلے میں ایک بڑا قدم اٹھایا ہے۔اور یہ مسلمانوں کی معاشی ناکہ بندی منصوبہ کی طرف اشارہ کرتا ہے آج تک کی رپورٹ کے مطابق "جہادی مکت دلی” کے عہد کے ساتھ، چھٹھ پوجا کے مدنظر وی ایچ پی اپنی نگرانی میں سٹال لگوائے گی اور شردھالووں کو خالص اور تصدیق شدہ پوجا سامان فراہم کرے گی۔ مزید برآں، خواہش مند ہندو دکانداروں کو تصدیق کے بعد سناتن پرتشٹھا اسٹیکرز جاری کیے جائیں گے، اس بات کو یقینی بناتے ہوئے کہ بھکت محفوظ ذریعہ سے خریداری کر سکیں۔
تنظیم نے اعلان کیا ہے کہ دہلی کے تمام 30 اضلاع میں وی ایچ پی کے اسٹال لگا کر بھکتوں کو تصدیق شدہ، خالص اور روایتی پوجا سامان دستیاب کرایا جائے گا۔وی ایچ پی کے صوبائی سکریٹری سریندر گپتا نے کہا کہ یہ مہم "جہادی مکت دلی” کے سنکلپ کے ساتھ شروع کی گئی ہے۔ اس مہم کا مقصد بھکتوں کو شدھ پوجا سامان فراہم کرنا اور ہندو تہواروں کے وقار اور مذہبی گورو کو برقرار رکھنا ہے۔
نیوز پورٹل ‘آج تک’ نے آگے بتایا کہ اس پہل کے ایک حصے کے طور پر، وی ایچ پی سناتن پرتیشٹھا کے نام سے ایک اسٹیکر مہم بھی چلا رہی ہے۔ دلچسپی رکھنے والے ہندو دکانداروں، ہاکروں اور ریڑھی پٹری والوں کو تصدیق کے بعد یہ اسٹیکر دیا جائے گا۔ تصدیقی عمل میں دکان کی رجسٹریشن، دستاویز کی تصدیق، اور مقامی نمائندے کے ذریعے معائنہ شامل ہے۔ اسٹیکر موصول ہونے کے بعد، دکان کو تصدیق شدہ سمجھا جائے گا۔ سریندر گپتا نے کہا کہ یہ پہل مکمل طور پر پرامن اور شفاف طریقے سے چلائی جا رہی ہے۔انہوں نے مسلمانوں کا نام لیے بغیر وضاحت دی کہ اس کا مقصد کسی کے خلاف نہیں بلکہ ‘سناتن سنسکرتی’ کی حفاظت کرنا ہے۔ انہوں نے دہلی والوں سے اپیل کی کہ وہ پوجا کا سامان صرف ان دکانوں سے خریدیں جن پر سناتن پرتیشٹھا اسٹیکر لگے ہوں۔