بادشاہ خان کے بعد کون کرے گا راج؟

بلاشبہ ممبئی فلم انڈسٹری پر 3 دہائیوں سے زائد عرصے سے شاہ رخ خان عرف کنگ خان کی ہی بادشاہت قائم ہے۔گزشتہ سال  فلم انڈسٹری کے لیے بہت بہترین رہا کیونکہ بالی ووڈ کی  3 فلموں نے ڈومیسٹک باکس آفس پر 500 کروڑ روپے جبکہ 1 فلم نے 600 کروڑ  روپے کا بزنس کیا۔بالی ووڈ کی ان 4 کامیاب فلموں میں سے 2 فلمیں شاہ رخ خان کی جبکہ 1 فلم رنبیر کپور کی تھیشاہ رخ خان کی فلموں کے علاوہ رنبیر کپور کی فلم  باکس آفس پر ریکارڈ بزنس کرنے میں کامیاب رہی جس کی وجہ سے فلم ٹریڈ سے وابستہ تجزیہ کار ترن آدرش نے اُنہیں اگلا ’بالی ووڈ کنگ‘ قرار دے دیا ہے.
اُنہوں نے کہا کہ مجھے فلم ’اینیمل‘ بہت پسند آئی، یہ ایک لاجواب فلم ہے، سندیپ ریڈی وانگا ایک باصلاحیت شخص ہیں اور کیا میں یہ کہہ سکتا ہوں کہ رنبیر کپور بالی ووڈ کے اگلے شاہ رخ خان ہیں؟ترن آدرش نے وضاحت کرتے ہوئے کہا کہ شاہ رخ خان کی پوزیشن الگ ہے لیکن رنبیر کپور کا مقام کچھ اور ہے کیونکہ میرے خیال میں فلم ’اینیمل‘ کے بعد ان کے ہم عصر اداکاروں رنویر سنگھ، کارتک آریان وغیرہ میں سے کوئی بھی ایسا نہیں ہے جو رنبیر کپور کے مدِ مقابل آ سکے۔اُنہوں نے رنبیر کپور کی تعریف کرتے ہوئے یہ بھی کہا کہ وہ ایک لاجواب اداکار ہیں اور میری نظر میں وہ موجودہ دور کے اداکاروں میں سب سے بہترین ہیں ، یہاں یہ بات قابل ذکر ہے کہ رنبیر کے بارے میں پہلے بھی یہ پیش گوئی کی گئی تھی جب ان کی شروعاتی کئی فلمیں کامیاب ہوئی تھیں ان کو چاکلیٹی ہیرو کہا گیا مگر پھر ان کا گراف گرتا گیا اور لگاتار فلاب فلموں کا ڈھیر لگایا گرچہ تینوں خان جو فلم انڈسٹری پر آج بھی راج کرتے ہیں ساٹھ کے اس پاس ہیں اور اب ان کے چہرے بھی عمر کی چغلی کھاتے ہیں مگر کیا کیجئے کہ وہ  چاہنے والوں کی پہلی پسند ہیں ـاس لئے ابھی خانوں کا دبدبہ ہے اور رہے گا.