عامر خان کی بیٹی کا صحیح طرح سے لینا ہوگا نام ، ورنہ دینا پڑے گا5000 کا جرمانہ

ممبئی :
بالی ووڈ کے’ ‘مسٹر پرفیکشنسٹ‘ عامر خان کی بیٹی اپنے نام کے غلط تلفظ کو لے کر پریشان ہیں، ایسے میں اس نے ایک ویڈیو جاری کرتے ہوئے کہا کہ اگر اب کسی نے اس کا نام صحیح تلفظ سے ادا نہیں کیا تو اسے 5000 روپیہ کا جرمانہ ادا کرنا پڑے گا۔
عائرہ خان نے انسٹاگرام پر ایک ویڈیو شیئر کی ہے ، جس میں وہ کہہ رہی ہیں کہ ‘میرے دوست میرا نام لے کر مجھے چھیڑتے ہیں۔ وہ سب مجھے ایرا کہتے ہیں۔ اب میں نے یہ بتانے کا فیصلہ کیا ہے کہ میرا نام عائرہ ہے۔ عین-الف -ء-ر-ہ ۔ اس کے بعد اگر کوئی مجھے ایرا کہے تو اسے پانچ ہزار روپے جمع کرانے ہوں گے ، جو میں مہینے یا سال کے آخر میں ڈونیٹ کردوں گی۔ ہر کوئی مجھے ایراکہہ کر بلاتے ہیں۔ پریس، میڈیا اور آپ سب کے لیے یہ عائرہ ہے۔ ‘
https://www.instagram.com/p/CNPurAwgG4E/?utm_source=ig_embed
عائرہ ایک عبرانی زبان کا لفظ ہے جس کا مطلب ہے مکمل طور پر ترقی یافتہ اور باخبر۔ بائبل کے مطابق یہ بادشاہ داؤد کے عبادت گزار یا وزیر اعلیٰ کا نام بھی تھا۔
عائرہ نوپور شیکھرے کو ڈیٹ کررہی ہے۔ اسی سال ویلن ٹائن ڈے سے پہلے اپنے رشتے کو لے کر باضابطہ طور پر خلاصہ کیا تھا۔ نوپور شیکھرے عائرا کے فٹنس ٹرینر ہیں۔