نئی دہلی ؍لکھنؤ (ایجنسی)
اتر پردیش کے لکھیم پور کھیری معاملے میں کسان تنظیموں کا سرکار کو دیا الٹی میٹم پیر کو ختم ہو رہاہے ۔ اب اس معاملے میں تنظیم ملک گیر احتجاج کی تیاریا ں شروع کردی ہیں۔ کسانوں کا کہنا ہے کہ منگل تک وہ سرکار کو دی گئی ہماری مانگوں کا انتظار کرے۔ اس کے بعد اترپردیش سمیت ملک بھر میں تحریک شروع کی جائے گی ۔
سنیکت کسان مورچہ کے مطابق ہم نے سرکار کے سامنے واضح طریقہ سے اپنی مانگ رکھی دی ہے ۔ اگر منگل صبح تک ہماری مانگیں پوری نہیں ہوتی ہیں تو ہم اپنی تحریک کو شروع کردیں گے ۔ اس کے لئے ہم نے تمام ریاستوں کی کسان تنظیموں کو ہدایات جاری کردی ہیں۔ اس کے بعد لکھنؤ میں ہونے والی مہا پنچایت کی تیاریاں بھی شروع کریں گے۔ اس مہا پنچایت کو کامیاب بنانے کے لیے ہر ریاستوں سے کسان لیڈروں کو بلایا جائے گا۔ اس کے علاوہ اسی دن دہلی بارڈر پر جہاں پر کسانوں کا احتجاج چل رہا ہے ، وہاں بھی پروگرام منعقد کئے جائیں گے ۔
کسان رہنماؤں کے مطابق 12 تاریخ کو کسانوں اور صحافی ،جو شہید ہوئے ہیں ان کے لیے ہم لکھیم پور کے تکونیہ میں آخری ارداس کریں گے۔ ملک بھر کے کسان 12 تاریخ کو لکھیم پور پہنچیں گے ۔ اس دن ہر ریاستوں میں کسان تنظیم کے لوگ شہروں میں کینڈل مارچ بھی نکالیں گے۔ وہیں تمام کسان اپنے گھروں کے باہر شام آٹھ بجے گھروں پر موم بتی بھی جلائیں گے۔ وہیں 12 تاریخ کو لکھیم پور سے ہی کسانوں کی ارتھری کلش یاترا یوپی میں شروع ہوگی۔ کسانوں کی ارتھریاں کسان ہر ریاست میں لے جائیں گے اور وسرجن کیاجائے گا۔ 15 اکتوبر کو دسہرہ کے دن کسان تنظیم وزیراعظم مودی اوروزیر داخلہ امت شاہ کا پتلا نذر آتش کریں گے ۔ 18 کو ریل روکیں گے ۔ 26 تاریخ کو لکھنؤ میں مہا پنچایت ہوگی ۔
