ہفتے کے روز سے سوشل میڈیا پر فلسطینی ڈاکٹر حسام ابو صفیہ کی ایک تصویر وائرل ہے۔ وہ غزہ کے شمال میں واقع کمال عدوان ہسپتال کے ڈائریکٹر ہیں۔مذکورہ ہسپتال اسرائیلی حملوں اور بم باری کے سبب خارج از خدمت ہو گیا۔ ہسپتال کے سربراہ کا منظر بہادری اور دلیری کی علامت بن گیا ہے۔ ڈاکٹر حسام ابو صفیہ ملبے کے بیچ سے گزر کر اسرائیلی گاڑی کی سمت گئے۔ اسرائیلی فوجیوں نے انھیں مارا پیٹا اور پھر گھسیٹتے ہوئے گاڑی کے اندر ڈال دیا۔ یہ بات ابو صفیہ کے کئی ساتھیوں نے اتوار کی شام "سی این این” نیوز نیٹ ورک کو بتائی۔اس کے بعد سے ڈاکٹر حسام ابو صفیہ کی موجودگی کا مقام نا معلوم ہے۔ ڈاکٹر ابو صفیہ کے اہل خانہ نے ان کی رہائی یا ان کے بارے میں جاننے کی اپیل کی ہے۔ادھر بد نام زمانہ اسرائیلی جیل سید تیمان سے گذشتہ ہفتے رہا ہونے والے دو فلسطینی قیدیوں نے تصدیق کی ہے کہ انھوں نے ابو صفیہ کو مذکورہ جیل میں دیکھا۔ ایک اور سابق قیدی کے مطابق اس نے ابو صفیہ کو جیل میں اعلانیہ تلاوت کرنے سنا۔
اسرائیلی فوج نے ہفتے کے روز اعلان کیا تھا کہ اس نے ڈاکٹر حسام ابو صفیہ کو گرفتار کر لیا ہے۔ فوج کا دعویٰ ہے کہ ڈاکٹر ابو صفیہ مبینہ طور پر حماس کے سرگرم رکن ہیں۔
فلسطینی ہسپتال کمال عدوان کے سربراہ کی یہ تصویر دنیا بھر کی توجہ کا مرکز بن گئی
قارئین سے ایک گزارش
سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔
- ٹرینڈنگ
- تبصرے
- تازہ ترین
روزنامہ خبریں مفاد عامہ ‘ جمہوری اقدار وآئین کی پاسداری کا پابند ہے۔ اس نے مختصر مدت میں ہی سنجیدہ رویے‘غیر جانبدارانہ پالیسی ‘ملک و ملت کے مسائل معروضی انداز میں ابھارنے اور خبروں و تجزیوں کے اعلی معیار کی بدولت سماج کے ہر طبقہ میں اپنی جگہ بنالی۔ اب روزنامہ خبریں نے حالات کے تقاضوں کے تحت اردو کے ساتھ ہندی میں24x7کے ڈائمنگ ویب سائٹ شروع کی ہے۔ ہمیں یقین ہے کہ یہ آپ کی توقعات پر پوری اترے گی۔
