نئی دہلی:
سی بی آئی نے عام آدمی پارٹی کے دبنگ لیڈر اور چیئر مین وقف بورڈدہلی امانت اللہ خان کو نوٹس دے کر کچھ معلومات طلب کی ہیں،مسٹر خان نے ٹویٹ سے یہ جانکاری دیتے ہوئے لکھا ہے کہ مودی جی کا طوطا یعنی سی بی آئی اب ہم سے غریبوں کو بانٹے ہوئے کپڑوں کا حساب مانگ رہا ہے، ساتھ ہی اس کو لیپ ٹاپ اور پرنٹر کا بھی حساب چاہیے،انہوں نے آگے لکھا ہے کہ سی بی آئی نام کی کٹھ پتلی کے پاس اور کوئی کام نہیں۔جو بھی بی جے پی کے خلاف بولے گا اسے اسی طرح پریشان کیا جائے گا،واہ مودی جی واہ۔
سی بی آئی نے یہ خط 9جون کو جاری کیا ہے، خط کے مطابق امانت اللہ خان سے ٹینٹ،شامیانوں،پندرہ سو لیڈیزسوٹ، ان کی تقسیم کی لسٹ وغیرہ کی تفصیلات طلب کی ہیں،یہ چودہ جون تک دینے کو کہا ہے۔
