چتوڑ گڑھ:
راجستھان کے چتوڑ گڑھ میں گائے کی اسمگلنگ کے نام پر ماب لنچنگ کا معاملہ سامنے آیا ہے۔ گاؤں والوں نے ایک نوجوان کو پیٹ پیٹ کر مار ڈالا ۔ پولیس نے 9 ملزمین کو گرفتار کرلیا ہے ۔ الزام ہے کہ دو نوجوان ایک پیک اپ میں گائے لے کر جارہے تھے ، گاؤں والوں نے جب جانچ کرنے کے لیے گاڑی کو رکوانا چاہا تو بھیڑ دیکھ کر نوجوان پیک اپ لے کر بھاگنے لگے۔ ایسے میں گاؤں والوں نے ان کا پیچھا کیا اور پکڑ کر پٹائی کردی۔ پٹائی سے ایک نوجوان کی موت ہوگئی ،جبکہ دوسرے کاعلاج چل رہاہے۔ پولیس نے 9 ملزمین کو گرفتار کرلیاہے ۔
