پارلیمنٹ کا اجلاس کل سے، کرن رجیجو کا وقف ایکٹ پر تازہ بیان

نئی دہلی: اقلیتی امور کے وزیر کرن رجیجو نے نیے وقف ایکٹ پر تازہ بیان دیا جبکہ کل سے پارلیمنٹ کا مانسون سیشن شروع ہونے والا ہے  انہوں نے الزام لگایا کہ الزام لگایا ہے کہ وقف (ترمیمی) ایکٹ پر تنقید کرنے والی کانگریس اور کچھ دیگر جماعتوں کا بنیادی مقصد مسلمانوں کو اپنا ووٹ بینک بنانا ہے، انہوں نے  دعویٰ کیا کہ مودی حکومت "سب کو انصاف” دینے پر یقین رکھتی ہے۔وزیر نے ایکٹ کو مسلمانوں کے حق میں بتایا ـ
سپریم کورٹ نے مئی میں وقف کیس میں دونوں فریقوں کو سننے کے بعد تین اہم مسائل پر عبوری احکامات صادر کئے تھے، رجیجو نے کہا کہ وہ اس معاملے میں ابھی کوئی پیشگی بیان نہیں دیں گے جو سپریم کورٹ میں زیر التوا ہے۔ انہوں نے مزید کہا کہ "لیکن ہم ایک بات بالکل واضح کر دیتے ہیں کہ پارلیمنٹ کا کام قانون بنانا ہے۔ سپریم کورٹ یقینی طور پر صحیح طریقے سے تشریح کر سکتی ہے۔”
انہوں نے کہا کہ ہمیں پورا یقین ہے کہ ہم نے جو کچھ بھی کیا ہے وہ قانون کے مطابق اور آئین کی دفعات اور روح کے مطابق ہے۔ نئے وقف قانون پر اے آئی ایم آئی ایم کے سربراہ اسد الدین اویسی کی تنقید پر، رجیجو نے کہا کہ وہ وقف (ترمیمی) ایکٹ کی مخالفت کے لیے اویسی پر تنقید نہیں کرنا چاہتے کیونکہ انہوں نے مجبوری میں قانون سازی کے خلاف ریمارکس کیے ہیں۔
وزیر نے کہاکہ ’جو لوگ وقف (ترمیمی) بل پر تنقید کرتے ہیں، وہ صرف مسلمانوں کو غریب رکھنے کی کوشش کر رہے ہیں اور اس بات کو یقینی بنانا چاہتے ہیں کہ وہ ووٹ بنک بن کر رہیں، ہماری سوچ اس کے برعکس ہے۔ ہماری سوچ کسی کے لیے نہیں، سب کے لیے انصاف ہے۔”