بہار میں کھل کر ہندو مسلم، سی ایم آسام بولے، اسامہ کی جیت ہندوؤں کی ہار ہوگی

سیوان:مرحوم شہاب الدین کا گڑھ رہے سیوان کی رگھوناتھ پو بی جے پی کے نشانے پر ہے جہاں شہاب الدین کا لڑکا اسامہ شہاب قسمت آزما رہا ہے ،وہاں یوپی کے سی ایم ہوگی آدتیہ ناتھ کے بعد آسام کے وزیراعلی ہمانتا بسوا سرما نے بھی ریلی کی – مسلمانوں کے خلاف خوب زہر اگلا اور ہولرائزیشن کی بھر پور کوشش کی جارہی ہے- ہندو مسلم کھل کر ہورہا ہے بسوا سرما نے منگل کو بہار کے سیوان میں ایک عوامی ریلی سے خطاب کیا۔ انہوں نے کہا کہ اگر آر جے ڈی امیدوار اسامہ شہاب بہار کے سیوان ضلع کی رگھوناتھ پور اسمبلی سیٹ پر جیت جاتے ہیں تو یہ "ہندوؤں کی شکست” ہوگی۔ انہوں نے یہ بھی کہا کہ اسامہ، مضبوط لیڈر محمد شہاب الدین کے بیٹے کا اسامہ بن لادن سے ملتا جلتا نام ہے۔
ہمانتا بسوا سرما نے رگھوناتھ پور اسمبلی حلقہ میں ایک انتخابی ریلی میں کہا، "جب میں رگھوناتھ پور آ رہا تھا تو مجھے لگا کہ یہ بھگوان رام اور ماں سیتا کی یادوں سے جڑی زمین ہے، لیکن یہاں آنے کے بعد مجھے معلوم ہوا کہ اس علاقے میں ایک اسامہ بھی ہے، اس کے باپ شہاب الدین نے قتل کا ریکارڈ بنایا تھا ، یہ ممکن ہے کہ وہ اپنے بچوں کے ساتھ کھلونوں کی بجائے AK4-7 سے کھیلے ہوں اگر’اسامہ’ نے رگھوناتھ پور جیت لیا، یہ ہندوؤں کی ہار ہوگی ـ ہمانتا بسوا سرما نے کہا کہ 14 نومبر کو میں آسام میں کامکھیا مندر کے گیٹ پر بیٹھ کر اس سیٹ کے نتائج دیکھوں گا۔ مجھے یقین ہے کہ آپ لوگ اسامہ کو اسی طرح شکست دیں گے جس طرح آپ نے اس کی ماں حنا شہاب کو لوک سبھا انتخابات میں شکست دی تھی۔ ہمانتا بسوا سرما نے کہا کہ وہ ایک ایسی ریاست کے وزیر اعلیٰ ہیں جہاں کی 40 فیصد آبادی مسلمان ہے، اور ان میں سے ایک بڑی تعداد درانداز ہے۔ انہوں نے اس کے لیے کانگریس کو ذمہ دار ٹھہرایا۔
ہمانتا بسوا سرما نے لوگوں سے اپیل کی کہ وہ وزیر اعلیٰ نتیش کمار کی قیادت میں اتحاد کو ووٹ دیں اور ‘تیجسوی-اسامہ جوڑی’ سے دور رہیں۔ ہمانتا بسوا سرما نے دعویٰ کیا کہ بہار میں این ڈی اے کی جیت یقینی ہے کیونکہ وزیر اعظم نریندر مودی کے اقتدار میں آنے کے بعد ملک بھر کے ہندو بیدار ہو گئے ہیں۔ انہوں نے کہا، "بیدار ہندوؤں نے بابر اور اورنگزیب کی وراثت کو شکست دے کر ایودھیا میں بھگوان رام کا مندر بنایا۔ اب وہ اسامہ کو بھی شکست دیں گے۔ ان کا الزام ہے کہ اپوزیشن جماعتیں دراندازوں کو تحفظ دے رہی ہیں اور قومی مفاد کے خلاف کھڑی ہیں۔”
ہمانتا بسوا سرما نے کہا کہ جب میں وزیر اعلیٰ بنا تو مجھے بتایا گیا کہ دراندازوں نے 100,000 ایکڑ زمین پر قبضہ کر رکھا ہے، مجھے 50,000 ایکڑ زمین کو آزاد کرانے پر فخر ہے، یہ درانداز ہماری خواتین کے لیے بھی خطرہ ہیں، کانگریس کی حکومت مدرسے کے اساتذہ کی تنخواہیں دے رہی تھی، میں نے بند کر دی۔ اس مہینے کے آخر میں، میں ایک ایسا قانون لانے جا رہا ہوں جو تین یا چار بار شادی کرنے والوں کو جیل بھیج دے گا۔