میرٹھ میں عشق،بے وفائی کے خوفناک کھیل میں پتی مارا گیا،یہ ہے کہانی

ایک اور رشتہ محبت اور بے وفائی کی آگ میں خاک ہو گیا۔ میرٹھ کے راہل کو اندازہ نہیں تھا کہ ، جس عورت انجلی کو وہ دل سے پیار کرتا تھا، ایک دن کسی اور سے محبت کر کے اپنے ہی شوہر کی موت کا سبب بن جائے گی۔ موت بھی ایسی کہ ان کر کلیجہ کانپ جائے ،ـ انجلی کو نہ تو اپنے شوہر اور نہ ہی اپنے تین چھوٹے بچوں کی پرواہ تھی۔ وہ اجے کی محبت میں اس قدر پاگل تھی کہ اس نے اسے ایک بار نہیں، دو بار نہیں بلکہ تین بار گولی مار کر ہلاک کر دیا اور اس کی لاش کو کھیت میں پھینک دیا۔
یکم نومبر کو راہل کی گولیوں سے چھلنی لاش میرٹھ کے پرکشیت گڑھ تھانہ علاقے کے اگوان پور گاؤں کے باہر ملی تھی۔ اسے تین گولیاں ماری گئی تھیں۔ راہل کی موت کی خبر گھر پہنچی تو کہرام مچ گیا۔ انجلی، اس کے جسم سے چمٹ کر بہت روئی، یہاں تک کہ کئی بار بیہوش ہو گئی۔ جب راہل کے قتل کا راز کھلا تب ہی یہ واضح ہوا کہ انجلی ناٹک کر رہی تھی۔
تاہم جب پولیس نے اس قتل کے معمہ کو کھولنا شروع کیا تو راہل کا موبائل فون ایک اہم ثبوت بن گیا۔ اس کے کال ریکارڈ کی جانچ کی گئی تو پتہ چلا کہ آخری کال اجے کی اسی گاؤں سے ہوئی تھی۔ پولیس نے اجے سے پوچھ گچھ کی۔ شک اس کی گرفتاری کا باعث بنا۔ اس نے انجلی کے ساتھ اپنے ناجائز تعلقات سمیت پوری کہانی کا انکشاف کیا۔
پولیس ذرائع کے مطابق اجے نے انکشاف کیا کہ وہ انجلی کے ساتھ تقریباً ڈیڑھ سال سے تعلقات میں تھا۔ جب اس کا شوہر دور ہوتا تو وہ اکثر اس سے ملنے جاتا۔ ایک دن انجلی کے شوہر نے اسے دیکھا تو ایک ہنگامہ برپا ہوگیا۔ راہل نے انجلی کی پٹائی بھی کی ۔ اس کے بعد انجلی نے اس پر اپنے شوہر کو راستے سے ہٹانے کے لیے دباؤ ڈالنا شروع کر دیا۔
اجے کے بیان کا حوالہ دیتے ہوئے، پولیس ذرائع نے مزید کہا کہ 1 نومبر کو، واقعہ کے دن، اجے نے راہل کو فون کیا اور بات چیت کے لیے گاؤں کے باہر ایک مندر میں مدعو کیا۔ اس دوران جھگڑا ہوا اور اس نے پستول سے سینے میں گولی مار دی۔ جب اس نے بھاگنے کی کوشش کی تو اسے پیچھے سے گولی ماری۔ نیچے گرنے کے بعد اس نے ا سینے پر قریب سے تیسری گولی چلائی۔ پولیس نے شوہر راہل کے قتل کے الزام میں بیوی انجلی اور اس کے عاشق اجے کو گرفتار کر لیا ہے۔این ڈی ٹی وی کے ان پٹ کے ساتھ