کیا ہے ترکمان گیٹ کی تاریخ جہاں واقع ہے مسجد فیض الہی

مغل شہنشاہ شاہ جہاں نے پرانی دہلی میں 14 مختلف دروازے بنائے، ترکمان گیٹ ان 14 دروازوں میں سے ایک ہے۔ یہ تمام 14 دروازے دہلی کے گرد بنائے گئے تھے جن میں اجمیری گیٹ، دہلی گیٹ، لاہوری گیٹ اور موری گیٹ وغیرہ شامل ہیں، ان میں سے ایک ترکمان گیٹ ہے جو صوفی بزرگ حضرت شاہ ترکمان بیابانی کے نام سے منسوب ہے۔ یہ دروازہ شاہ ترکمان کے مزار کے قریب ہے اس لیے اس دروازے کا نام ترکمان گیٹ رکھا گیا ہے۔ دہلی کا یہ دروازہ گزشتہ کئی دہائیوں سے بہت مشہور ہے۔
کچی بستیاں 1976 میں مسمار کی گئیں۔1976 میں اندرا گاندھی ہندوستان کی وزیر اعظم تھیں۔ اس کے بیٹے سنجے گاندھی نے ایک دن ڈی ڈی اے کے ایک اہلکار کو بتایا کہ وہ چاہتے ہیں کہ جامع مسجد ترکمان گیٹ سے واضح طور پر نظر آئے۔ اس مقصد کے لیے ترکمان گیٹ کے قریب کچی آبادیوں کو مسمار کرنا ضروری تھا۔ سنجے گاندھی کے حکم کے بعد ڈی ڈی اے کے اہلکار جگموہن ملہوترا نے ترکمان گیٹ کے علاقے کو بلڈوز کر دیا۔ اس مہم میں کئی لوگ مارے گئے، اور دہلی کے ترکمان گیٹ کو چھاؤنی میں تبدیل کر دیا گیا، جس سے ترکمان گیٹ کے آس پاس رہنے والے سینکڑوں خاندان منگول پوری اور ترلوک پوری جیسے علاقوں میں منتقل ہونے پر مجبور کردیے گیے ،اب ایک بار پھر مسجد فیض الہی کے سبب سرخیوں۔ میں ہے