نیپال میں کریک ڈاؤن، سابق پی ایم اولی بھی گرفتار، انتقام یا جنریشن زیڈکا حساب؟

کھٹمنڈو:بلین شاہ نیپال کے وزیر اعظم بنتے ہی ایکشن موڈ میں چلے گئے ہیں۔ جنریشن زیڈتحریک کے دوران موتوں اور مجرمانہ غفلت برتنے کے کیس میں گرفتاریاں شروع ہو گئی ہیں۔ نیپال کے سابق وزیر اعظم کے پی شرما اولی کو گنڈو سے گرفتار کر لیا گیا ہے۔ سابق وزیر داخلہ رمیش لیکھک کو بکے گرفتار کر لیا گیا ہے۔ ان افراد پر اعلیٰ عہدوں پر فائز ہونے کے باوجود تحریک کے دوران مجرمانہ رویہ برتنے کا الزام ہے۔ گرفتاری پر کے پی شرما اولی نے کہا کہ انہیں انتقامی طور پر گرفتار کیا گیا ہے اور وہ قانونی جنگ لڑیں گے۔
جمعہ کو وزیر اعظم بلیندر شاہ کی زیر صدارت نو تشکیل شدہ حکومت کی پہلی کابینہ کے اجلاس میں جنریشن زیڈ موومنٹ کے بارے میں اعلیٰ سطحی انکوائری کمیشن کی رپورٹ پر فوری عمل درآمد کرنے کا فیصلہ کیا گیا، جو گزشتہ سال ستمبر میں منعقد ہوئی تھی۔ اجلاس میں سائنس اور ٹیکنالوجی کے وزیر سسمیت پوکھرل کو اپنا ترجمان مقرر کرنے کا بھی فیصلہ کیا گیا۔جمعہ کو وزیر اعظم بلیندر شاہ کی زیر صدارت نو تشکیل شدہ حکومت کی پہلی کابینہ کے اجلاس میں جنریشن زیڈ موومنٹ کے بارے میں اعلیٰ سطحی انکوائری کمیشن کی رپورٹ پر فوری عمل درآمد کرنے کا فیصلہ کیا گیا، جو گزشتہ سال ستمبر میں منعقد ہوئی تھی۔ اجلاس میں سائنس اور ٹیکنالوجی کے وزیر سسمیت پوکھرل کو اپنا ترجمان مقرر کرنے کا بھی فیصلہ کیا گیا۔
انکوائری کمیشن نے اس وقت کے نیپال پولیس کے انسپکٹر جنرل چندرا کوبیر کھپونگ سمیت کئی دیگر اعلیٰ عہدے داروں کے خلاف بھی کارروائی کی سفارش کی۔ سشیلا کارکی کی قیادت میں اس وقت کی حکومت نے کمیشن کی رپورٹ کو وفاقی پارلیمنٹ سیکرٹریٹ کے لائبریری آرکائیوز میں رکھ کر اسے عام کرنے کا فیصلہ کیا۔
کے پی اولی کو 10 سال کی سزا ہو سکتی ہے۔
کابینہ کے اجلاس کے بعد ترجمان پوکھرل نے میڈیا کو بتایا کہ کابینہ نے گزشتہ سال کی جنریشن زیڈ موومنٹ سے متعلق انکوائری کمیشن کی رپورٹ پر فوری عمل درآمد کا فیصلہ کیا ہے۔ انکوائری کمیشن نے اعلیٰ عہدوں پر فائز ہونے کے باوجود تحریک کے دوران غفلت برتنے پر اس وقت کے وزیر اعظم کے پی شرما اولی اور وزیر داخلہ رمیش لیکک سمیت عہدیداروں کو زیادہ سے زیادہ 10 سال قید کی سزا کی سفارش کی۔